અભિનેત્રી તથા પ્રોડ્યૂસર અનુષ્કા શર્મા જણાવે છેે કે તે હંમેશાં ફિલ્મો દ્વારા સશક્ત, સ્વતંત્ર મહિલાઓ ને બતાવવા માંગે છે અને તેના નિર્માણની નવી ફિલ્મ ‘બુલબુલ’ તે જ દિશામાં એક પગલું છે. તેણે કહ્યું, “ક્લીન સ્લેટ ફિલ્મ્સ (તેનું પ્રોડક્શન હાઉસ, જે તેણી તેના ભાઈ કર્નેશ સાથે ચલાવે છે) એક દિવસ તેની પોતાની શૈલી બનાવશે. અમે હંમેશા વાર્તા કહેવાની એક એવી રીત બનાવવાની ઇચ્છા રાખતા હતા જે મહિલાઓ અને તેમના આત્માઓ પર આધારિત હોય. અમે હંમેશાં સિનેમા દ્વારા પ્રેક્ષકોને મજબૂત અને સ્વતંત્ર મહિલાઓને બતાવવા માંગતા હતા અને ‘બુલબુલ’ એ આ દિશામાં અમારી નવુ પગલું છે. ” તેમણે ઉમેર્યું કે, ‘અમને ખરેખર ગર્વ છે કે પ્રેક્ષકો દ્વારા બુલબુલને પસંદ કરવામાં આવી રહી છે. લોકોએ અમારા પ્રયત્નોની પ્રશંસા કરી છે. દરેક પ્રોજેક્ટ અમે એમ વિચારીને કરીએ છીએ કે આપણા જોડે ગુમાવવાનું કંઈ નથી. અમારા માટે એ મોટી વાત છે કે ‘પાતાલ લોક’ અને ‘બુલબુલ’ બંનેને પ્રેક્ષકો દ્વારા સારી પ્રશંસા મેળવી છે. ” અનુષ્કા ખુશ છે કે નવા લેખકો, દિગ્દર્શકો, સંગીતકારો અને અભિનેતાઓ બોલિવૂડમાં પોતાની ઓળખ બનાવી રહ્યા છે.