વિવાદમાં ફસાઈ ફિલ્મ ‘ફાઈટર’

નોટિસમાં આગળ કહેવામાં આવ્યું છે કે, એરફોર્સનો યુનિફોર્મ પહેરીને ઓફિસરોનો જાહેરમાં રોમાન્સ નિયમોનું ઉલ્લંઘન છે, સાથે જ તેમના પાત્રો અને પ્રોફેશનલ વ્યવહારને પણ ખોટી રીતે દર્શાવે છે. એરફોર્સના જવાનો પાસેથી અનુશાસન અને મર્યાદાની અપેક્ષા રાખવામાં આવે છે. આ સીન તેમને પોતાના યુનિફોર્મ અને ફરજ પ્રત્યે બેજવાબદાર અને અનાદર કરનારા ચીતરે છે. વિંગ કમાન્ડર સૌમ્યદીપ દાસે ‘ફાઈટર’ના મેકર્સ પાસે આ સીન હટાવવાની માગણી કરી છે.

સાથે જ કહ્યું છે કે, ફિલ્મના મેકર્સે એરફોર્સ અને તેના જવાનોની સરાજાહેરમાં માફી માગવી જોઈએ. તેમનું કહેવું છે કે, ફિલ્મના મેકર્સ લેખિતમાં આપે કે, તેઓ ભવિષ્યમાં એરફોર્સના જવાનો અને તેમના યુનિફોર્મનો આ પ્રકારે અનાદર નહીં કરે.જણાવી દઈએ કે, દીપિકા પાદુકોણ અને હૃતિક રોશન અભિનિત આ ફિલ્મને સિદ્ધાર્થ આનંદે ડાયરેક્ટ કરી છે. આ ફિલ્મે દુનિયાભરમાં 350 કરોડ રૂપિયાની કમાણી કરી છે. ભારતીય બોક્સઓફિસ પર ફિલ્મે આશરે 178 કરોડ રૂપિયાની કમાણી કરી છે.

ફિલ્મમાં અનિલ કપૂર, કરણ સિંહ ગ્રોવર, અક્ષય ઓબેરોય જેવા કલાકારો પણ મહત્વની ભૂમિકામાં છે.