જેતપુર પાલિકા પ્રમુખના દિયર દ્વારા સંજીવની હોસ્પિટલના ડૉક્ટર અને સ્ટાફ સાથે મારામારી કરાઈ હતી જેના વિરોધમાં જેતપુરની તમામ ખાનગી હોસ્પિટલનો સ્ટાફ અને મેડિકલ સ્ટોરના માલિકો ઉતરી ગયા હતાં. જેતપુર મેડીકલ એસોસિએશનના સભ્યો કેબિનેટ મંત્રી જયેશ રાદડિયા અને સાંસદ રમેશભાઈ ધડુકને મળ્યા હતાં. લગભગ એક કલાકની મિટિંગ બાદ મંત્રી જયેશ રાદડિયા અને સાંસદ રમેશ ધડુકની સમજાવટ બાદ હડતાળ સમેટી લેવામાં આવી હતી. ઉલ્લેખનીય છે કે, રાજ્યભરમાં મેડીકલ સ્ટાફ સાથે મારામારી અને અભદ્ર વર્તનના કિસ્સાઓ ઘણાં વધતા જાય છે જેને કાબુમાં લેવા જોઈએ તેવું લોકમુખે ચર્ચાઈ રહ્યું છે.
(અહેવાલ :- જયેશ સરૈવયા જેતપુર)
(તસવીર :- રાજન ભખોત્રા, જેતપુર)