અમદાવાદ મ્યુનિસિપલ કોર્પોરેશનના વિવિધ વિભાગો માટે રૂપિયા ૧.૯૧ કરોડથી પણ વધુની રકમથી ૫૦૦ નંગ કોમ્પ્યુટર ખરીદ કરવાની દરખાસ્ત સ્ટેન્ડીંગ કમિટીની બેઠકમા મંજુર કરવામા આવી છે. આ અંગે મળતી માહિતી અનુસાર,મ્યુનિસિપલ કોર્પોરેશનના ઈ-ગવર્નન્સ વિભાગ તરફથી જુદા-જુદા વિભાગો માટે કોમ્પ્યુટરોની ખરીદી કરવા માટે ટેન્ડર બહાર પાડવામા આવ્યા હતા આ ટેન્ડર મેળવવા ત્રણ બીડરો દ્વારા તેમની ઓફર રજુ કરવામા આવી હતી આ બીડરો પૈકી લોએસ્ટ વન તરીકે ડેટાટેક કોમ્પ્યુટર પ્રા.લિમિટેડ આવતા તેની પાસેથી ૫૦૦ નંગ કોમ્પ્યુટરોની ખરીદી કરવા સ્ટેન્ડીંગ કમિટીની મંજુરી માગતી દરખાસ્ત રજુ કરવામા આવી હતી.આ કંપની પાસેથી એએમડી,એ-૧૦ સિસ્ટમના ૧૦૦ નંગ કોમ્પ્યુટરોની ખરીદી કરવામા આવશે.પ્રતિનંગ રૂપિયા ૩૫,૯૯૦ ચુકવવામા આવશે આ સાથે જ કંપનીને ત્રણ વર્ષનો વોરંટી પિરીયડ આપવો પડશે.આ ઉપરાંત મ્યુનિસિપલ કોર્પોરેશન કંપનીને બે વર્ષના મેઈન્ટેનન્સ પેટે રૂપિયા ૧,૩૯૮ ની ચુકવણી કરશે.આમ પાંચ વર્ષ માટે આ કંપનીને રૂપિયા ૩૭,૩૮,૮૦૦ની ચુકવણી કરવામા આવશે. આ ઉપરાંત એએમડી,એ-૮ સિસ્ટમના ૪૦૦ નંગ કોમ્પ્યુટર પણ આ કંપની પાસેથી ખરીદ કરવામા આવશે.આ સિસ્ટમ માટે મ્યુનિસિપલ કોર્પોરેશન પ્રતિ નંગ રૂપિયા ૩૪,૧૯૯નુ ચુકવણુ કરશે આ સાથે જ ત્રણ વર્ષની વોરંટી સાથે કુલ રૂપિયા ૧,૪૨,૩૮,૮૦૦ની રકમ ચુકવવામા આવશે આ સાથે એન્ટિવાયરસ લાયસન્સ પેટે રૂપિયા ૩,૦૦,૦૦૦ની રકમ ચુકવવામા આવશે.આ ઉપરાંત કંપનીએ બે સર્વિસ એન્જિનિયર અમદાવાદ મ્યુનિસિપલ કોર્પોરેશનને પુરા પાડવા પડશે આ એન્જિનિયરો માટે તંત્ર રૂપિયા ૯,૦૦,૦૦૦ની રકમ ચુકવશે.આમ કુલ ૫૦૦ નંગ કોમ્પ્યુટર ખરીદવા પાછલ મ્યુનિસિપલ કોર્પોરેશન કુલ રૂપિયા ૧,૯૧,૭૭,૬૦૦ની રકમ ખર્ચ કરશે આ અંગે સ્ટેન્ડીંગ કમિટી સમક્ષ રજુ કરવામા આવેલી દરખાસ્તને મંજુરી આપવામા આવી છે.