મોડાસાના વીર જવાન સાવન કુમાર પરમારની અંતિમયાત્રા

અરવલ્લી જિલ્લાના મોડાસા તાલુકાના વતની અને મહારાષ્ટ્ર પૂના ખાતે 242 બટાલિયન C .R.P.F  માં  ફરજ બજાવતા સાવન કુમાર પરમારનું બીમારીથી નિધન થતા સૈન્ય સન્માન સાથે અંતિમ સંસ્કાર કરવામાં આવ્યા હતા.અમદાવાદની હોસ્પિટલમાં સારવાર દરમિયાન જવાનનુ નિધન થયુ હતુ. વીર શહીદ જવાનનો મૃતદેહ માદરે વતન લાવવમાં આવતા હજારોની સંખ્યામાં ભીડ અંતિમયાત્રામાં ઉમટી હતી વીર જવાનને સલામી અને ગાર્ડ ઓફ ઓનરની સાથે અંતિમ વિદાય આપવામાં આવી હતી

સલામી સાથે જવાનને અંતિમ વિદાય આપવામાં આવી ત્યારે જય હિન્દના નાદ થી સમગ્ર જિલ્લો ગુંજી ઉઠ્યો હતો પરિવારમાં વીર શહીદ દિકરાનો મૃતદેહ આવતા પરિવારમાં શોકનું મોજું ફેરવાયું હતું.C .R.P.F ના જવાનની બટાલિયન 242 એ દુઃખદ લાગણી વ્યક્ત કરી હતી.અરવલ્લી જિલ્લાના તમામ નાગરિકો દ્વારા વીર શહીદ જવાનને અશ્રુભીની શ્રદ્ધાંજલિ આપવામાં આવી હતી.