Aapnu Gujarat
શિક્ષણ

ઓસ્ટ્રેલિયા ભણવા જવા માટે હવે વધુ ડોલરની જરૂર પડશે

ઓસ્ટ્રેલિયાએ નક્કી જ કરી લીધું છે કે સ્ટુડન્ટના નામે કામ કરવા આવતા બનાવટી લોકોને રોકવા જ છે. તેથી ઓસ્ટ્રેલિયા સ્ટુડન્ટ વિઝાના નિયમો સતત અઘરા બનાવતું જાય છે. ઓસ્ટ્રેલિયા ભણવા જવા માટે હવે અગાઉ કરતા વધારે ડોલરની જરૂર પડશે, અને વધુ બચત દેખાડવી પડશે. ઓસ્ટ્રેલિયામાં સ્ટુડન્ટના માઈગ્રેશનમાં રેકોર્ડ બન્યા પછી સરકારે તેના પર કન્ટ્રોલ લાવવાનું નક્કી કર્યું છે. તેથી વિદેશી સ્ટુડન્ટ માટે નાણાકીય જરૂરિયાતની રકમ વધારવામાં આવી છે.

નવા નિયમો શુક્રવારથી જ અમલમાં આવી રહ્યા છે. હવેથી કોઈને ઓસ્ટ્રેલિયાના સ્ટુડન્ટ વિઝા જોઈતા હોય તો 19,576 અમેરિકન ડોલર એટલે કે 29,710 ઓસ્ટ્રેલિયન ડોલરની બચત દેખાડવી પડશે. સાત મહિનાની અંદર ઓસ્ટ્રેલિયાએ સ્ટુડન્ટ વિઝા માટે નાણાંની જરૂરિયાતમાં બીજી વખત વધારો કર્યો છે. હજુ ગયા ઓક્ટોબરમાં જ આ રકમ 21,000 ઓસ્ટ્રેલિયન ડોલરથી વધારીને 24,505 ઓસ્ટ્રેલિયન ડોલર કરવામાં આવી હતી અને હવે ફરીથી આ રકમ વધારીને 29,710 ઓસ્ટ્રેલિયન ડોલર કરવામાં આવી છે.

કોવિડ વખતે ઓસ્ટ્રેલિયન સરકારે સ્ટુડન્ટ્સને ઘણી બધી છૂટ આપી હતી જેના કારણે માઈગ્રેશન વધીને રેકોર્ડ લેવલે પહોંચી ગયું હતું. ત્યાર પછી સ્ટુડન્ટ વિઝાના નિયમોને કડક બનાવવામાં આવ્યા છે. ઓસ્ટ્રેલિયામાં સ્ટુડન્ટની સંખ્યા વધવાના કારણે મકાનોના ભાડા વધી ગયા છે અને સ્થાનિક લોકોને પણ મકાન શોધવામાં મુશ્કેલી પડે છે. આ પ્રશ્ન હલ કરવા માટે મકાનનો સપ્લાય વધારવાના બદલે સ્ટુડન્ટની સંખ્યા પર અંકુશ મૂકવામાં આવ્યો છે.

માર્ચ મહિનામાં ઓસ્ટ્રેલિયન સરકારે સ્ટુડન્ટ માટે અંગ્રેજીની આવડતના ધોરણો પણ વધારી દીધા હતા. જેથી ખરેખર ભણવા માટે સિરિયસ હોય તેવા જ લોકો ઓસ્ટ્રેલિયા આવી શકે અને છીંડાનો ઉપયોગ કરીને ઓસ્ટ્રેલિયા કામ કરવા આવતા લોકો માટે દરવાજા બંધ થઈ જાય.

આ ઉપરાંત ઓસ્ટ્રેલિયન સરકાર હવે સ્થાનિક કોલેજો અને યુનિવર્સિટીઓ માટે પણ સખત બની રહી છે. કોલેજોએ જેન્યુઈન ન હોય તેવા લોકોનું રિક્રુટમેન્ટ બંધ કરવું પડશે અને જો એમ કરવામાં નહીં આવે તો તેમની સામે પગલાં લેવાશે. એજ્યુકેશન સેક્ટરની પ્રતિષ્ઠાને બચાવવા અને ઓસ્ટ્રેલિયામાં વિદેશી સ્ટુડન્ટની સંખ્યા પર અંકુશ મૂકવા માટે સખત પગલાં વિચારવામાં આવ્યા છે. સરકારે સ્પષ્ટ કહી દીધું છે કે જેન્યુઈન સ્ટુડન્ટ ન હોય તેવા લોકોને આવવા દેવામાં નહીં આવે. તેથી નાણાકીય ક્ષમતાથી લઈને અંગ્રેજીની ટેસ્ટ સુધીની સ્ટાન્ડર્ડ એકદમ વધારી દેવામાં આવ્યા છે.

વિદેશી સ્ટુડન્ટ એ ઓસ્ટ્રેલિયાની ઈકોનોમી માટે આવકનું એક મહત્ત્વનું સાધન છે. ઓસ્ટ્રેલિયન એજ્યુકેશન સેક્ટરની વેલ્યૂ 24 અબજ ડોલર આંકવામાં આવે છે. પરંતુ ઈમિગ્રેશનના વધતા આંકડાને તે પહોંચી શકે તેમ નથી. એક ડેટા પ્રમાણે સપ્ટેમ્બર 2023માં સમાપ્ત થયેલા વર્ષમાં ઓસ્ટ્રેલિયામાં નેટ ઈમિગ્રેશનનો આંકડો 60 ટકા વધીને 5.48 લાખ થઈ ગયો હતો. સરકાર હવે માઈગ્રેશનનો આંકડો મોટા પ્રમાણમાં ઘટાડવા માટે કટિબદ્ધ છે. આગામી બે વર્ષમાં તે ઈનટેકનું પ્રમાણ સીધું અડધું કરી નાખશે.

ઓસ્ટ્રેલિયાની આ કડક સ્ટુડન્ટ વિઝા નીતિના કારણે ભારતીય વિદ્યાર્થીઓને સૌથી વધારે અસર થવાની શક્યતા છે. ભારતીયોને અત્યાર સુધી બીજા કોઈ દેશની તુલનામાં ઓસ્ટ્રેલિયાના સ્ટુડન્ટ વિઝા ઝડપથી મળી જતા હતા પરંતુ હવે સ્થિતિ મુશ્કેલ બનતી જાય છે. ઓસ્ટ્રેલિયામાં ભણતા ભારતીયો પહેલેથી મકાનભાડાના ઊંચા દર અને વધતી મોંઘવારીથી પરેશાન છે. હાઉસિંગની અછતના કારણે ઘણા ભારતીયોનું ઓસ્ટ્રેલિયામાં ભણવાનું સપનું રોળાયું છે તેમ કહી શકાય..

છેલ્લા એક ક્વાર્ટરમાં ઓસ્ટ્રેલિયામાં શેર્ડ રૂમ અથવા ડોર્મેટરીના ભાડામાં 15 ટકાનો વધારો થયો છે. હાલમાં ઓસ્ટ્રેલિયામાં લગભગ સવા લાખથી વધારે ભારતીય સ્ટુડન્ટ રહે છે અને ચીન પછી ભારતીયો બીજા નંબર પર છે. ઘણા વિદ્યાર્થીઓની ફરિયાદ છે કે હાઉસિંગના ભાવ વધવાના કારણે તેમનું ફાઈનાન્સ ખોરવાઈ ગયું છે. ગયા વર્ષે ઓસ્ટ્રેલિયામાં લગભગ 5.10 લાખ લોકો ઈમિગ્રેશન કરીને આવ્યા હતા પરંતુ નવી જાહેરાત પછી આ આંકડો ઘટીને અઢી લાખનો થઈ જાય તેવી શક્યતા છે.

Related posts

પીઓકેમાંથી એમબીબીએસ કરનાર ભારતમાં પ્રેક્ટિસ નહીં કરી શકે

editor

अब जीयू में प्रवेश का तीसरा चरण होगा अब ऑनलाइन

aapnugujarat

कक्षा-१० १२ के विद्यार्थियों के लिए हेल्पलाइन शुरू हुई

aapnugujarat
UA-96247877-1