કોરોના કાળમાં હવે અમદાવાદ એરપોર્ટ પર ટેક્સી ચાલકોની મુશ્કેલી વધી ગઈ છે. ૧ એપ્રિલ થી હવે અમદાવાદ એરપોર્ટ પર ટેક્સી ચાલકો પાસે પાર્કિંગ ચાર્જ ઉઘરાવવામાં આવશે. અમદાવાદ એરપોર્ટના ખાનગીકરણ બાદ ટેક્સી ચાલકોને મુશ્કેલી સામનો કરવો પડી રહ્યો છે. આપને જણાવી દઈએ કે ફરી એકવાર બે મહિનામાં પાર્કિંગ ચાર્જમાં વધારો કરાયો છે. ૫ મિનિટના સમય બાદ ટેક્સી ચાલકોને ૧૫૦ રૂપિયા ચાર્જ ચૂકવવાનો રહેશે.
પહેલી એપ્રિલથી નવા ભાવ અમલી બનશે જેમાં ૩૦ મિનિટ સુધી બસ પાર્ક કરવાના કરવાના ૫૦૦ રૂપિયા ચાર્જ ચૂકવવો પડશે. બે કલાક સુધી પાર્ક કરવા માટે ૮૦૦ રૂપિયા અને ૨૪ કલાક પાર્ક કરવા માટે ૩ હજાર રૂપિયાનો ચાર્જ ચૂકવવો પડશે. મિની બસ માટે ૩૦ મિનિટના ૩૦૦ રૂપિયા, બે કલાકના ૫૦૦ રૂપિયા અને ૨૪ કલાક પાર્ક કરવા માટે ૧,૮૭૫ જેટલો ચાર્જ ચૂકવવો પડશે. પ્રાઇવેટ કારના ૩૦ મિનિટ માટે ૯૦ રૂપિયા, બે કલાકના ૧૫૦ રૂપિયા અને ૨૪ કલાક પાર્ક કરવા માટે ૧૯૦ રૂપિયા ચાર્જ ચૂકવવો પડશે.
કાર્ગો માટે આવતા વાહનો માટે પણ પાર્કિંગના નવા ભાવ અમલી બનશે. ચાર કલાક ઓટો પાર્કિંગ કરવામાં માટે ૧૫૦ રૂપિયા અને ૨૪ કલાક માટે ૧સ૧૫૦ રૂપિયા ચૂકવવા પડ શે. ટ્રક ચાર કલાક પાર્ક કરવા માટે ૨૦૦ રૂપિયા અને ૨૪ કલાક પાર્ક કરવા માટે ૧,૨૦૦ ચૂકવવા પડશે. ટુ-વ્હીલર પાર્ક કરવા માટે ૪ કલાકના ૧૦૦ રૂપિયા જ્યારે ૨૪ કલાક પાર્ક કરવા માટે ૬૦૦ રૂપિયા ચાર્જ લેવામાં આવશે.
અમદાવાદ એરપોર્ટ પર ટેક્સી ચાલકો પાસે પાર્કિંગ ચાર્જ લેવામાં આવશે
