મહેસાણા થી અમારા સંવાદદાતા વિનોદ મકવાણા જણાવે છે કે, મહેસાણા જીલ્લામાં આગામી ૨૮ ફેબ્રુઆરીના રોજ જિલ્લાની તમામ તાલુકા પંચાયત, જીલ્લા પંચાયતની ચૂંટણી યોજાનાર છે.મહેસાણા જિલ્લામાં જિલ્લા પંચાયતની ૪૨ બેઠકો,૧૦ તાલુકા પંચાયતની ૨૧૬ બેઠકો તેમજ વિસનગર,મહેસાણા,કડી અને ઊંઝા પાલિકાની ૩૮વોર્ડની ૧૫૨ બેઠકો પર ૨૮ ફેબ્રુઆરીના રોજ ચૂંટણી યોજાનાર છે.
આજે મહેસાણા જિલ્લા પ્રમુખ જશુભાઈ પટેલ દ્વારા પ્રેસકોન્ફરન્સ યોજી સ્થાનિક સ્વરાજની ચુંટણીને લઇ ભારતીય જનતા પાર્ટીના ઉમેદવારોની યાદી જાહેર કરવામાં આવી.મહેસાણા નગરપાલિકામાં ૧૧વોર્ડ માટે ૪૪ ઉમેદવારો મેદાને ઉતરશે.વિસનગર નગરપાલિકામાં ૯ વોર્ડ માટે ૩૬ ઉમેદવારો મેદાને પડ્યા છે.કડી નગરપાલિકામાં ૯ વોર્ડ માટે ૩૬ઉમેદવારો મેદાને છે.