તારીખ ૩૧/ ૧૨ /૨૦૨૦ ના રોજ સરકારશ્રીની ગુજરાત શહેરી આજીવિકા મિશન યોજનાના ઈએસટીપી ઘટક હેઠળ તાલીમ પાર્ટનર સંસ્થા શ્રી ચેરીટેબલ ટ્રસ્ટ દ્વારા ડભોઇ નગર પાલિકાના કાર્યક્ષેત્રની બેરોજગાર યુવતીઓ માટે ફેશન ડિઝાઇનિંગના તાલીમ વર્ગ કરવામાં આવેલ જે તાલીમાર્થીઓ દ્વારા પોતે જ પોતાના બનાવેલા કપડાં પહેરી રેમ્પ વોક કરી ફેશન શોનું આયોજન આજરોજ તાલીમ સેન્ટર પર કરવામાં આવેલ છે સાથે સાથે વિવિધ પ્રકારના આઉટફિટનું પ્રદર્શન યોજવામાં આવ્યું. આ પ્રદર્શનમાં તમામ વિદ્યાર્થીઓ બનાવેલા પોતાના આઉટફીટ પહેરી અને ફેશન શોનું આયોજન કર્યું તેમજ કાર્યક્રમમાં ડભોઇ નગરપાલિકાના આ યોજનાના મેનેજર મહેશ પરમાર, અર્ચના પરમાર તથા કોમ્યુનિટી ઓર્ગેનાઇઝર પ્રવિણ બારીયા, શ્રી ચેરીટેબલ ટ્રસ્ટના ટ્રસ્ટી અજય પટેલ તથા જ્યોતિબેન અને ટ્રેનર ભાવિકાબેન, સપનાબેન તેમજ કર્મચારીમાં નેહાબેન, રક્ષાબેન હાજર રહી પ્રોગ્રામની શોભા વધારી.
(તસવીર / વિડિયો / અહેવાલ :- વિકાસ ચતુર્વદી, ડભોઈ)
