શુક્રવારે રાજ્યસભામાં સાંસદોના પગાર એક વર્ષ માટે ૩૦ ટકા ઘટાડવા માટેનું બિલ પસાર કરાયું હતું. કોરોના કાળમાં સાંસદોનો પગાર એક વર્ષ માટે ઘટાડવા આ બિલ રજૂ કરાયું હતું. રાજ્યસભામાં પગાર, ભથ્થા અને પેન્શન (સંશોધન) બિલ ૨૦૨૦ પસાર કરવામાં આવ્યું હતું. લોકસભામાં આ બિલ મંગળવારે પસાર થઈ ગયું હતું.
ગુરુવારે સંસદના ઉપલા ગૃહમાં સંસદીય બાબતોના મંત્રી પ્રહલાત જોશીએ આ બિલ રજૂ કર્યું હતું. કોરોના કાળમાં સાંસદોના પગાર અને ભથ્થામાં ૩૦ ટકાનો ઘટાડો એક વર્ષ માટે કરવાનું આ બિલ સર્વાનુમતે પસાર થઈ ગયું હતું. ઉપલા ગૃહમાં સાંસદોના પગાર, ભથ્થા અને પેન્શન (સંશોધન) ૨૦૨૦ના બિલને પણ બહાલી આપવામાં આવી હતી. રાજ્યકક્ષાના ગૃહ મંત્રી જી કિશન રેડ્ડીએ આ બિલ રજૂ કર્યું હતું. બન્ને બિલ ધ્વનિ મતથી પસાર કરવામાં આવ્યા હતા.
પાછલી પોસ્ટ