થરા નેશનલ હાઈવે-૨૭ના સર્વિસ રોડ પર એક લોડિંગ રીક્ષાનો અકસ્માત સર્જાયો હતો. રીક્ષાચાલકને બચાવવા સ્થાનિકો ભેગા થઈ ગયા હતાં. ડ્રાઈવરને નાની – મોટી ઈજા થવા પામી છે. આ સર્વિસ રોડની હાલત એટલી બધી બિસ્માર છે કે લગભગ આખો રોડ જ તૂટી જવા પામ્યો છે અને ઠેરઠેર ખાડા પડી ગયા છે. હજુય પણ અહીંથી વરસાદી પાણી ઓસર્યું નથી. ઉલ્લેખનીય છે કે, કાંકરેજમાં એકમાત્ર થરા નગરપાલિકા હોવા છતાં વિકાસ કંઇ દેખાતો જ નથી ત્યારે વાત કરવામાં આવે તો થરા શહેરમાં ઠેર ઠેર સર્વિસ રોડ પર મસ્ત મોટા ખાડા પડી ગયા છે. વરસાદી પાણી ભરાવાના કારણે વારંવાર અકસ્માત સર્જાઈ રહ્યા છે.
(તસવીર / વિડિયો / અહેવાલ : મહોમ્મદ ઉકાણી, કાંકરેજ)
