Aapnu Gujarat
ગુજરાત

GIFT CITYમાં દારૂ પીવાની મળી છૂટ

ગાંધીનગરમાં ઈન્ટરનેશન હબ એવી ગુજરાત ઈન્ટરનેશનલ ફાઈનાન્શિયલ ટેક સિટી ( GIFT CITY )માં લીકર પરિશનને લઈ મોટો નિર્ણય લેવાયો છે. રાજ્યના નશાબંધી અને આબકારી વિભાગે અહીં કામ કરતા કર્મચારીઓ તથા અધિકારીઓ તેમજ ગિફ્ટ સિટીનાં મુલાકાતીઓને લીકર સેવન માટે મુક્તિ આપી દીધી છે. અહીં ઓથોરાઈઝડ વિઝિટિરને પણ દારૂ પીવાની છૂટ અપાશે જે અહીં આવેલી હોટેલ, રેસ્ટેરાં તથા ક્લબમાં દારૂનું સેવન કરી શકશે. જોકે આ વિસ્તારની હોટેલ તથા ક્લબને દારૂનાં વેચાણની પરવાનગી આપવામાં આવી નથી.

GIFT CITYમાં નેશનલ અને ઈન્ટરનેશનલ લેવલની કંપનીઓ છે. જેમાં ગ્લોબલ ડિલ, ટેકનિકલ એક્સપર્ટ, આર્થિક ગતિવિધિઓ તથા ગ્લોબલ ઈન્વેસ્ટર્સ, ગ્લોબલ બિઝનેસ ઈકોસિસ્ટમ પણ પ્રોવાઈડ કરવામાં આવી છે. જેથી અહીં દેશ વિદેશથી કર્મચારીઓ, વિઝિટર આવશે તેમને ધ્યાનમાં રાખીને દારૂબંધીના નિયમ આ વિસ્તારમાં હળવા કરવાનો નિર્ણય કરાયો છે.

ગિફ્ટ સિટીમાં વાઈન અને ડાઈન ફેસિલિટી પણ ઉપલબ્ધ કરાવાશે જેના માટે પ્રોહિબિશનના નિયમોમાં ફેરફાર કરવાનો નિર્ણય લેવાયો છે. આ છૂટછાટ પર નજર કરીએ તો આખી ગિફ્ટ સિટીમાં જે પણ કર્મચારીઓ કામ કરતા હશે તેમને અને કંપનીના માલિકને લીકર પરમીટર મળશે. વાઈન એન્ડ ડાઈનની વાત આવે છે એટલે ત્યારે હોટલ, રેસ્ટોરાં તથા ક્લબમાં લીકરનું સેવન પણ કરવાની છૂટ મળશે.

હવે કેવા વિઝિટરને દારૂ પીવા મળશે
જોકે આ છૂટછાટમાં પણ શરતો છે કે જે કંપની ગિફ્ટ સિટીમાં હોય તેણે ઓથોરાઈઝ કર્યા હોય તેવા જ વિઝિટરને દારૂ પીવાની છૂટ મળશે. એટલું જ નહીં તેમને પણ આ કાયમી કર્મચારી જે ગિફ્ટ સિટીની કંપનીમાં કામ કરે છે તેની હાજરીમાં જ આ દારૂનું સેવન કરવાની અનુમતિ મળશે. અહીં આવતા વિઝિટરની પાસે જો આ પ્રમાણેની અનુમતિ હશે તો જ તે સેવન કરી શકશે દરેક વિઝિટરને દારૂ પીવાની છૂટ નહીં મળે.

જોકે આ વ્યક્તિને પણ ટેમ્પરરી જ પરમિટ મળશે. જે કંપનીમાં કામ કરે છે તે કર્મચારીની પાસે તો પરમિટ રહેશે કે તે ગિફ્ટ સિટીમાં લીકરનું સેવન કરી શકશે. પરંતુ મુલાકાતીઓ પાસે તો અહીં આવીને લીકરનું સેવન કરવાની ટેમ્પરરી પરમિટ જ હશે. આથી કરીને તેની આ પરમિટ એક્સપાયર ક્યારે થશે, કોને કોને પરમીટર મળશે અને કેવી રીતે એ અંગે હજુ સુધી કોઈ સત્તાવાર માહિતી બહાર આવી નથી. પરંતુ આ તમામ કામગીરી કડક નિગરાની હેઠળ થશે.

ગિફ્ટ સિટીમાં જે કઈ પણ હોટેલ, ક્લબ કે રેસ્ટોરાં આવી છે તે FL-3 પરવાના મેળવી શકશે જોકે તેઓ માત્ર દારૂ પીરસી શકશે તેની બોટલોને વેચવાની અનુમતિ તેમને મળી નથી.

Related posts

કડીના ધાર્મિક સ્થળોની માટી અયોધ્યા રામ મંદિરના નિર્માણ કાજે જશે

editor

અંબાજીનો ગબ્બર રૉપ-વે ૧૦ માર્ચથી ચાલુ થશે

aapnugujarat

લાંચ લેવાનાં કિસ્સામાં રાજ્યનું હોમ ડિપાર્ટમેન્ટ સૌથી વધુ ભ્રષ્ટ

aapnugujarat
UA-96247877-1