મનોરંજનની દુનિયામાં કોરોનાવાયરસની અસર ખૂબ જ ઝડપથી જોવા મળી રહી છે. એક પછી એક પીઢ કલાકાર કોવિડ -૧૯ ની પકડમાં આવતા જોવા મળે છે. હવે બોલિવૂડના ૫૫ વર્ષીય અભિનેતા મિલિંદ સોમન કોરોના પોઝિટિવ આવ્યો છે. તેમણે એક ટિ્વટ દ્વારા આ માહિતી આપી છે.
મિલિંદ સોમાને થોડા સમય પહેલા જ ટિ્વટ કરીને તેમના ફેન્સને કોરોના પોઝિટિવ હોવાની માહિતી આપી છે. તેમણે લખ્યું, ‘ટેસ્ટેડ પોઝીટિવ, ક્વોરન્ટાઇન’ તમને જણાવી દઈએ કે, મિલિંદ ૫૫ વર્ષનો છે, પરંતુ તે એટલો ફીટ છે કે કોઈ પણ તેને જોયા પછી તેની ઉંમરનો અંદાજ લગાવી શકશે નહીં.
છેલ્લા કેટલાક દિવસોથી દેશભરમાં ફરી એકવાર કોરોનાનો કહેર વધી રહ્યો છે. આગામી દિવસોમાં કોરોના કેસોમાં વધારો જોવા મળી રહ્યો છે. મિલિંદ અને આર માધવન પહેલાં અભિનેતા આમિર ખાન, રણબીર કપૂર, કાર્તિક આર્યન અને મનોજ બાજપેયી, ‘ગલી બોય’ ફેમ સિદ્ધંત ચતુર્વેદી, તારા સુતરિયા, અને સંજય લીલા ભણસાલી પણ કોરોનાની પકડમાં આવી ગયા છે.
