પ્રિયંકા ચોપડાએ એક મહિના પહેલા 9 ફેબ્રુઆરીએ પોતાની પુસ્તક “અનિફિનિશ્ડ” લોન્ચ કરી હતી. આ પુસ્તકમાં પ્રિયંકાએ તેના અંગત અને વ્યવસાયિક જીવન સાથે જોડાયેલી ઘણી વાતો શેર કરી છે. પ્રિયંકાના પુસ્તક ‘ અનિફિનિશ્ડ ‘ ચાહકોને ખૂબ જ પસંદ આવી રહી છે.મંગળવારે પ્રિયંકાએ સોશિયલ મીડિયા પર એક ફોટો શેર કર્યો છે. આ ફોટામાં, તેમના પુસ્તક “અનિફિનિશ્ડ” નું કવર પોસ્ટર ન્યુ યોર્ક સિટીના 6 માળના બિલબોર્ડ પર દેખાઈ રહ્યું છે. પ્રિયંકાએ આ અંગે ખુશી વ્યક્ત કરી હતી.
ફોટો શેર કરતા પ્રિયંકાએ કેપ્શનમાં લખ્યું હતું કે, ન્યુ યોર્ક સિટીના પેન સ્ટેશનની બહાર છ માળની એમેઝોન બુક્સ બિલબોર્ડ પર ” અનિફિનિશ્ડ”. હું મહિલાઓના અવાજને વધારવા માટે આ મહિલા હિસ્ટ્રી મહિનાની ઉજવણીમાં સામેલ થવા માટે ખૂબ જ ઉત્સાહિત છું.
