દૂધ, ઘી, બદામ જેવા પૌષ્ટિક આહાર લોકો લેવાનું પસંદ કરતા હોય છે પણ આજે તમને જાણીને નવાઈ થશે કે દૂધ, ઘી, બદામ ને પણ ટક્કર આપે તેટલું પ્રોટીન મગફળીમાં હોય છે. મગફળીને ગરીબ લોકોની બદામ તરીકે પણ ઓળખવામાં આવે છે. મગફળીમાં એટલું બધું પ્રોટીન હોય છે કે જે તમને દૂધ કે ઈંડામાંથી પણ મળતું નથી. જો મગફળીનું રોજ સેવન કરવામાં આવે તો ચોક્કસપણે તે આરોગ્યની દૃષ્ટિએ ખૂબ જ લાભદાયક છે. મગફળીમાં લગભગ ૨૫ ટકાથી પણ વધારે પ્રોટીન હોય છે. આપણને ૧૦૦ ગ્રામ મગફળી ખાવાથી જેટલું પ્રોટીન મળે છે તેટલું ૧ લિટર દૂધ પીવાથી પણ પ્રોટીન મળતું નથી. ૨૫૦ ગ્રામ માંસ ખાવા કરતાં ૨૫૦ ગ્રામ મગફળીમાં વધુ પ્રોટીન હોય છે. જો રેગ્યુલર મગફળી ખાવામાં આવે તો શરીરને ઘણાં પોષક તત્વો મળી રહે છે. મગફળીમાં ઘણા પોષક તત્વો જેવા કે પોટેશિયમ, મેંગેનીઝ, કોપર, કેલ્શિયમ, આયર્ન, સેલેનિયમ વગેરેમાં જોવા મળે છે. જો શિયાળામાં મગફળીને ગોળની સાથે ખાવામાં આવે છે, તો પછી પીઠના દુખાવાની સમસ્યાને દૂર કરશે. તેમજ કેલ્શિયમની ઉણપ દૂર થાય છે. જો તમારે મગફળીનો પૂરો લાભ લેવો હોય તો તેને પલાળીને ખાઈ લો. મગફળીનો ઉપયોગ હંમેશાં તેની ગરમ અસરને કારણે શિયાળામાં જ કરવામાં આવે છે, પરંતુ પલાળીને મગફળી ખાઈ શકાય છે. દરરોજ ખાલી પેટે પચાસ ગ્રામ મગફળી ખાવી. આ પછી, લગભગ એક કલાક સુધી કંઈપણ ન ખાવું. આ આરોગ્યની બધી સમસ્યાઓ દૂર કરી શકે છે. પલાળીને મગફળી તમારી પાચનમાં સુધારો કરે છે, જેથી ગેસ અને એસિડિટીની સમસ્યા ન થાય. તેને ખાવાથી શરીરમાં લોહીની કમી દૂર થાય છે અને લોહીનું પરિભ્રમણ બરાબર રહે છે. ઉલ્લેખનીય છે કે, મગફળી પૌંઆ, કટલેસ, ચટણી કે પછી દાળ સહિતની વાનગીઓના સ્વાદમાં વધારો કરતી હોય છે.
પાછલી પોસ્ટ