પંચમહાલ જીલ્લાના ગોધરા ખાતે આવેલા ક્વોરોઇન્ટાઇન સેન્ટર ખાતેથી બાઇક ચોરીનો આરોપી ફરાર થઇ જતા પોલીસ તંત્રમાં દોડધામ મચી જવા પામી છે.પોલીસે આ મામલે ફરાર આરોપીની વ્યાપક શોધખોળ હાથ ધરી છે. જીલ્લામાં કોરોના મહામારીને લઇને ક્વોરોઇન્ટાઇન સેન્ટર બનાવામાં આવ્યાં છે,ગોધરા શહેરના છેવાડે આવેલા ધોળાકુવા ખાતે આવેલ મકાઈ સંશોધન કેન્દ્રની બિલ્ડીંગના સરકારી ક્વોરોઇન્ટાઇન સેન્ટરમાં રાખવામાં આવેલ બાઈક ચોરીનો આરોપી સંગ્રામ રાઠોડ બાથરૂમના વેન્ટીલેશનના કાચ તોડી ફરાર થઈ ગયો હતો. ફરાર થયાની જાણ પોલીસને થતા પોલીસ બેડામાં દોડધામ મચી જવા પામી હતી.નોંધનીય છેકે નાસી જનાર આરોપીએ વેજલપુરથી બાઈક ચોરી કરી હતી. કાલોલ પોલીસે બાઈક સાથે ઝડપી પાડ્યો હતો.ત્યારબાદ કોવિડ૧૯ના પરીક્ષણ માટે ગોધરા સરકારી ક્વોરોઇન્ટાઇન સેન્ટર ખાતે મોકલાયો હતો.હાલ પોલીસે આરોપીને શોધવાના ચક્રો ગતિમાન કર્યા છે.
(તસવીર / અહેવાલ :- વિજયસિંહ સોલંકી, પંચમહાલ)
ગોધરામાં બાઈક ચોરીનો આરોપી ફરાર
