સાબરકાંઠાની ઈડર પોલીસે વાહન ચોર ગેંગને પકડી પાડવામાં સફળતા મેળવી છે. છેલ્લાં ઘણાં સમયથી અવાર નવાર વાહન ચોરાઈ જવાની ઘટનાઓ બનતી હોય છે ત્યારે આવા ગુન્હાઓને અંકુશમાં લાવવા માટે સાબરકાંઠા જિલ્લા પોલીસ વડા ચૈતન્ય માંડલીકની સૂચના આધારે ઇડર પોલીસે રાજસ્થાનના કોટડા છાવણી ચોર ટુકડીને બાતમીને આધારે ઈડર ભિલોડા ત્રણ રસ્તા પાસેથી આ ગેંગને પકડી પાડી હતી.
સાબરકાંઠા, અરવલ્લી, મહેસાણા, બનાસકાંઠા અલગ-અલગ જિલ્લામાંથી મોટરસાયકલની ચોરી કર્યાની કબૂલાત કોટડા છાવણી ગેંગે કરી હતી જેમાં ઇડર પોલીસ સ્ટેશનના પોલીસ ઇન્સ્પેક્ટર પી.એલ.વાઘેલાએ આ ટોળકી પાસેથી ૧૨ જેટલી મોટર સાઇકલ કબજે કરી તમામ આરોપીઓ વિરુદ્ધ કાયદેસરની કાર્યવાહી હાથ ધરી હતી.
(તસવીર / અહેવાલ :- દિગેશ કડિયા, હિંમતનગર)
પાછલી પોસ્ટ