ઇસ્લામિક આતંકીઓના ટાર્ગેટ પર ફરી એકવાર લંડન શહેરનો જ નંબર લાગ્યો છે. અહીં એક મસ્જિદ પાસે આજે વહેલી સવારે આતંકી હુમલો થયાના અહેવાલ મળ્યા છે. સોમવારે વહેલી સવારે શહેરની એક મસ્જિદ નજીક અજાણ્યા વાહને નમાઝ પઢવા જઈ રહેલા મુસ્લિમ સમુદાયના કેટલાક લોકોને અડફેટે લીધા હતા.પોલીસ સૂત્રોના જણાવ્યા અનુસાર આ ઘટનામાં એક વ્યક્તિનું મોત થયું છે. જ્યારે એક વ્યક્તિની ધરપકડ કરવામાં આવી છે. લંડનના ફિન્સબરી પાર્ક ખાતે આવેલી મસ્જિદમાં મુસ્લિમો રમઝાન હોવાથી નમાજ પઢવા જઈ રહ્યા હતા તે સમયે અજાણ્યા વાહન ચાલકે તેમને અડફેટે લીધા હતા.આ ઘટનાને લંડન પોલીસે સેવિઅર હુમલાની શ્રેણીમાં મુક્યો છે. બ્રિટિશ ટેરરિસ્ટ એલર્ટ મુજબ તેનો મતલબ હુમલો આતંકી હુમલો હોવાની આશંકા સેવાઈ રહી છે. મેટ્રોપોલિટન પોલીસના અનુસાર મધ્યરાત્રિએ ૧૨ઃ૨૦ વાગ્યે તેમને ઇમર્જન્સી કોલ મળ્યા હતા.