નવી મુંબઈમાં ચોરોએ બંધ બેંકમાં જવા માટે ૫૦ ફૂટ લાંબી ટનલ બનાવી હતી. રજાના દિવસે એટલે કે રવિવારે ચોરો ટનલમાંથી બેંકમાં ઘૂસ્યા હતાં અને કિંમત ચીજવસ્તુઓ અને રોકડ રકમ લઈ નાસી ગયા હતાં.
નવી મુંબઈના જુઈનગરમાં બેંક ઓફ બરોડામાં ઘૂસવા માટે ચોરોએ ૫૦ ફૂટ લાંબી ટનલ ખોદી કાઢી હતી.
આ રીતે બેંકમાં ઘૂસણખોરી કરી ચોર ૨૭ લોકરમાં મુકાયેલા ઘરેણા તથા રોકડ રકમ લઈ ફરાર થઈ ગયા હતાં. સોમવારે સવારે બેંક ખુલતા ચોરીની જાણ થઈ હતી. ચોરીમાં તફડાવવામાં આવેલા ઘરેણાની કિંમત હજુ સુધી નિર્ધારિત થઈ નથી.સવારે બેંકના અનેક લોકર અને ટ્રેઝરી રૂમમાં તોડફોડ થઈ હોવાનું કર્મચારીઓના ધ્યાન પર આવ્યું હતું. ચોરોએ બેંક નજીકની કરિયાણાની દુકાન પાસેથી ટનલનું ખોદકામ શરૂ કર્યું હતું. આ દુકાન તાજેતરમાં જ ભાડે રખાઈ હતી. આટલું જ નહીં આ ટનલ પાંચ દુકાનો પાસેથી પસાર થતી હતી.
નવી મુંબઈમાં ચોરોએ ૫૦ ફૂટ લાંબી ટનલ બનાવી કરી બેંક લૂંટ
