Aapnu Gujarat
આંતરરાષ્ટ્રીય સમાચાર

ભારતીયો માટે ખુશખબર : અમેરિકા H-1B વિઝાનું ડોમેસ્ટિક રિન્યુઅલ ડિસેમ્બરથી જ શરૂ કરી દેશે

અમેરિકામાં H-1B વિઝા પર કામ કરી રહેલા ભારતીય એક્સપર્ટ્સ માટે બહુ મહત્ત્વના અને આનંદદાયક સમાચાર છે. અમેરિકાએ H-1B વિઝાનું ડોમેસ્ટિક સ્તરે રિન્યુઅલ ડિસેમ્બર મહિનાથી જ શરૂ કરવાનો નિર્ણય લીધો છે. તેથી H-1B વિઝાધારકોએ હવે વિઝા રિન્યૂ કરાવવા માટે અમેરિકાની બહાર જવાની જરૂર નથી. તેના કારણે તેમનો સમય અને રૂપિયા બંનેની બચત થશે.

વડાપ્રધાન નરેન્દ્ર મોદી આ વર્ષે જૂન મહિનામાં અમેરિકા ગયા ત્યારે જ આ પાઈલટ પ્રોગ્રામની જાહેરાત કરી દેવામાં આવી હતી. હવે વિઝા સર્વિસના ડેપ્યુટી આસિસ્ટન્ટ સેક્રેટરી જુલી સ્ટફે જણાવ્યું કે ભારતમાં વિઝાની ડિમાન્ડ ઘણી ઊંચી છે. અમેરિકન વિઝા માટે છ, આઠ કે 12 મહિનાનો વેઈટિંગ પિરિયડ ચાલે છે જે. અમે આ સ્થિતિ ચાલુ રાખવા નથી માગતા કારણ કે ભારત અમારા માટે મહત્ત્વનો દેશ છે.

તેમણે કહ્યું કે અમે ભારતીય પ્રવાસીઓને શક્ય એટલી ઝડપથી વિઝા એપોઈન્ટમેન્ટ આપવા માંગીએ છીએ. આમ કરવાનો એક રસ્તો ડોમેસ્ટિક વિઝા રિન્યૂઅલ પ્રોગ્રામ છે. આ પ્રોગ્રામ ખાસ ભારત પર ફોકસ રાખીને બનાવાયો છે. આ અમારો પાઈલટ પ્રોજેક્ટ છે. અમને આશા છે કે આ પ્રોગ્રામથી ભારતને ઘણો ફાયદો થશે.

H-1B વિઝા મોટા ભાગે ટેક્નોલોજી સેક્ટરના લોકો માટે હોય છે જેનો સૌથી વધુ ઉપયોગ ભારતીય એક્સપર્ટ્સ કરે છે. પરંતુ H-1B વિઝાને જ્યારે રિન્યૂ કરવાનું આવે ત્યારે તેમણે અમેરિકા છોડીને થોડા સમય માટે બહાર જવું પડે છે. જોકે, હવે અમેરિકામાંથી જ H-1B વિઝાને રિન્યૂ કરાવી શકાશે. વિઝા રિન્યુઅલની પ્રોસેસ એકદમ સરળ બનશે.

મોદી જ્યારે અમેરિકા હતા ત્યારે આ પ્લાનની જાહેરાત કરવામાં આવી હતી અને અમેરિકામાં વસતા ભારતીય સમુદાયે તેને આવકારી લીધો છે. ટૂંક સમયમાં અમેરિકન સરકાર દ્વારા એક ફેડરલ રજિસ્ટર નોટિસ બહાર પાડવામાં આવશે જેમાં આ માટેના પગલાં, લાયકાતના ધોરણો અને સૂચનાઓ વિશે જણાવવામાં આવશે.

ડોમેસ્ટિક વિઝા રિન્યુઅલ પ્રોગ્રામ ખાસ કરીને વર્ક વિઝા માટે છે. ડિસેમ્બરથી ફેબ્રુઆરી દરમિયાન આ માટે પાઈલટ ધોરણે 20,000 કેસ પસંદ કરીને તેના પર કાર્યવાહી થશે. સ્ટેટ ડિપાર્ટમેન્ટનું કહેવું છે કે આ યોજના સફળ થશે તો 2024 સુધીમાં બીજી કેટેગરીઓમાં પણ આ પ્રોગ્રામ લંબાવી શકાય છે. અમેરિકામાં સ્કિલ્ડ લોકોની હજુ પણ અછત છે અને તેથી ભારત જેવા દેશ પર ખાસ આધાર રાખવામાં આવે છે. ભારતના એન્જિનિયર્સ અને બીજા એક્સપર્ટ લોકોને વિઝા રિન્યુ કરાવવામાં ઓછામાં ઓછી તકલીફ પડે તે માટે નિયમો સરળ બનાવવા ઘણા સમયથી દબાણ કરવામાં આવતું હતું. હવે તેનો આગામી મહિનાથી જ અમલ થઈ જશે.

Related posts

पाक : आतंकी संगठन जमात-उद-दावा और JeM के 12 सदस्यों को सजा

aapnugujarat

पेरिस परेड में फ्रांस के राष्ट्रपति मैक्रों ने दिखाई यूरोपीय सैन्य शक्ति

aapnugujarat

જર્મની, ફ્રાંસ, ઈટાલી અને સ્પેને એસ્ટ્રાજેનેકા વેક્સિનને ફરી આપી મંજૂરી

editor
UA-96247877-1