ભાવનગર-સુરેન્દ્રનગર અને પોરબંદર-રાજકોટ વચ્ચે બે વિશેષ ટ્રેનો દોડશે

ભાવનગરથી અમારા સંવાદદાતા સુરેશ ત્રિવેદી જણાવે છે કે, ભાવનગર-સુરેન્દ્રનગર અને પોરબંદર-રાજકોટ ટ્રેનો ફરીથી ચલાવવાનો નિર્ણય લેવામાં આવ્યો છે, જે અગાઉ COVID-19 પરિસ્થિતિના પગલે મુસાફરોની માંગના અભાવે રદ કરાઈ હતી, જે આગામી તા .12 જૂન, 2021 થી અમલી બનશે. આ ટ્રેનોની વિગત નીચે મુજબ છે:
 ટ્રેન નંબર 09528 ભાવનગર-સુરેન્દ્રનગર દૈનિક લોકલ
ટ્રેન નંબર 09528 ભાવનગર – સુરેન્દ્રનગર ડેલી સ્પેશિયલ ભાવનગર ટર્મિનસથી 05:00 કલાકે ઉપડશે અને દરરોજ 9:00 કલાકે સુરેન્દ્રનગર પહોંચશે, જેની અસર તા .12 જૂન, 2021 થી આગળની સૂચના સુધી રહેશે.
 ટ્રેન નંબર 09533 સુરેન્દ્રનગર-ભાવનગર દૈનિક લોકલ
ટ્રેન નંબર 09533 સુરેન્દ્રનગર – ભાવનગર દૈનિક સ્પેશિયલ સુરેન્દ્રનગરથી સવારે 9.40 કલાકે ઉપડશે અને દરરોજ 13:30 વાગ્યે ભાવનગર ટર્મિનસ પહોંચશે. આ ટ્રેન 12 મી જૂન, 2021 થી આગળની સૂચના સુધી દોડશે.
 ટ્રેન નં. 09573 રાજકોટ-પોરબંદર દૈનિક સ્પેશિયલ
ટ્રેન નં. 09573 રાજકોટ – પોરબંદર દૈનિક સ્પેશિયલ રોજ સવારે 07.00 કલાકે રાજકોટથી ઉપડશે અને તે જ દિવસે 11.35 કલાકે પોરબંદર પહોંચશે. આ ટ્રેન આગામી 12 મી જૂન, 2021 થી આગળની સૂચના સુધી દોડશે.
 ટ્રેન નં. 09574 પોરબંદર-રાજકોટ દૈનિક સ્પેશિયલ
ટ્રેન નં. 09574 પોરબંદર – રાજકોટ દૈનિક સ્પેશિયલ પોરબંદરથી દરરોજ 14.30 કલાકે ઉપડશે અને તે જ દિવસે 18.40 કલાકે રાજકોટ આવશે. આ ટ્રેન આગામી 12 મી જૂન, 2021 થી આગળની સૂચના સુધી દોડશે.
ઉપરોક્ત ટ્રેનોની વિગતવાર માહિતિ માટે મુસાફરો www.enquiry.indianrail.gov.in
વેબસાઇટની મુલાકાત લઈ શકશે.