છેલ્લા ઘણા દિવસોથી ચાલતી કાપડ વેપારીઓની હડતાળ સમેટાઇ ગઇ છે.
ઘણા વિરોધો છતા કોઇ પરિણામ ન આવતા સુરતના કાપડ વેપારીઓની હડતાળ સમેટાઇ ગઇ છે.
જીએસટીના વિરોધમાં કાપડ વેપારીઓની અચોક્કસ મુદ્દતની હડતાળ ચાલી રહી હતી. જેમાં સુરત ટેક્સટાઇલ જીએસટી સંઘર્ષ સમિતી તેમજ ફોસ્ટા ફોર કમિટી સહિતના વેપારીઓ વચ્ચે બેઠક યોજાયા બાદ હાલ પૂરતી આ હડતાળને સમેટવાનો નિર્ણય કરાયો છે.
હવે આ મામલે આગામી ૫ ઓગસ્ટના રોજ જીએસટી કાઉન્સિલની બેઠક મળશે. ત્યાં સુધી કાપડ વેપારીઓની હડતાળ સમેટવાનો નિર્ણય કરાયો છે. જેથી હવે ફરી એકવખત સુરતનો ટેક્સટાઇલ ઉદ્યોગ અને કાપડ બજાર ધમધમતા થશે.