જ્યારથી જિયોએ ટેલિકૉમ ઇન્ડસ્ટ્રીમાં એન્ટ્રી કરી છે ત્યારથી ટેલિકૉમ ઇન્ડસ્ટ્રીના એક નવા યુગની શરૂઆત થઇ છે. જિયોને ટક્કર આપવા માટે ટેલિકૉમ કંપનીઓ દરરોજ નવી નવી ઑફર લોન્ચ કરી રહી છે. આ વચ્ચે હવે આઇડિયા પણ પોતાના પ્રી-પેડ યૂઝર્સ માટે નવો પ્લાન લોન્ચ કર્યો છે. જિયોને ટક્કર આપવા માટે આઇડિયા ૧૬ રૂપિયાનો નવો પ્લાન લોન્ચ કર્યો છે, જેમાં યૂઝર્સેને ૧ કલાકમાં અનિલિમિટેડ ડેટા આપવામાં આવશે. આઇડિયાના આ પ્લાનનો લાભ તેના નવા યૂઝર્સ અને જૂના યૂઝર્સ બંને ઉઠાવી શકે છે. જોકે આ ઑફર હાલમાં દિલ્હીના ૩જી પ્રીપેડ યૂઝર્સ માટે છે.
થોડા સમય પહેલા આ જ રીતનો વૉડાફોન ઇન્ડિયાએ પ્લાન લોન્ચ કર્યો હતો, જેમાં યૂઝર્સને ૨૯ રૂપિયાના રિચાર્જ પર અનલિમિટેડ ડેટા આપવામાં આવી રહ્યો છે. પરંતુ આ ઑફર માત્ર રાતના ૧-૬ વચ્ચે જ મળશે. આ ઑફર માત્ર પ્રી-પેડ કસ્ટમર્સ માટે ઉપલબ્ધ છે. વૉડાફોન આ સુપરનાઇટ રિચાર્જ પેકમાં ૬ રૂપિયાથી ઓછામાં પ્રતિ કલાક અનલિમિટેડ ડેટા મળી રહ્યો છે. જ્યારે જિયોની વાત કરવામાં આવે તો કંપની ૧૦ રૂપિયામાં પ્રતિદિનના હિસાબે ૧જીબી ડેટા આપી રહી છે.