સૌરાષ્ટ્રના ખેડુતો સૌથી વધુ કપાસ અને મગફળીનું વાવેતર કરતા હોય છે. ગોંડલ તાલુકામાં આવેલ ગોમટા ગામના ખેડૂતે ૮ વિઘા જમીનમાં સ્ટ્રોબેરી ફ્રુટની ખેતી શરૂ કરી, છે. સામાન્ય રીતે સ્ટ્રોબેરી ફ્રુટની ખેતી મહારાષ્ટ્ર, રાજસ્થાન, જમ્મુ કાશ્મીર જેવા રાજયમાં થતી હોય છે. અહીં આ ખેતી કરવી ઘણી મુશ્કેલ અને અઘરી છે. ગોમટા ગામના ખેડૂત રાજુભાઇએ અશક્ય ને શકય કરી બતાવ્યું છે. તેમણે જણાવ્યું કે તેઓ મહાબળેશ્વર ફરવા ગયા હતાં અને ત્યાં તેમણે આ ખેતી જોઇ અને પોતે આ ખેતી કરવાનું વિચાર્યું ને તેમણે પોતાના ખેતરમાં સ્ટ્રોબેરીની ખેતી શરૂ કરી. સ્ટ્રોબેરીની ખેતી ટૂંકા ગાળાની ખેતી છે અને ખૂબ જ અઘરી પણ છે, ખૂબ ધ્યાન રાખવું પડે અને તેનાં અનુકુળ વાતાવરણમાં જ આ ખેતી શક્ય બને છે. રાજુભાઇએ સ્ટ્રોબેરીની ખેતી કરી સૌરાષ્ટ્રમાં પણ સ્ટ્રોબેરીની ખેતી શક્ય છે એ વાતનો સચોટ દાખલો બેસાડ્યો છે.
(હેવાલ – વિડિયો : જયેશ સરવૈયા, જેતપુર)