દાહોદ નગરપાલિકા દ્વારા દાહોદને ચોખ્ખું ચણાક રાખવાના પ્રયાસોએ રંગ રાખ્યો છે અને સ્વચ્છતા સર્વેક્ષણ ૨૦૨૦ માં દાહોદ શહેર સમગ્ર રાજયમાં બીજા ક્રમે અને ઝોન પ્રમાણે ૨૧માં ક્રમાંકે આવ્યું છે. આ સર્વેક્ષણમાં દાહોદ નગરના ૭૨૬૭ નાગરિકોએ પોતાનો અભિપ્રાય વ્યક્ત કર્યો હતો.
ગત વર્ષોની સરખામણીમાં જોઇએ તો આ વર્ષે દાહોદે મોટી છલાંગ લગાવી છે. ગત વર્ષે રાજયમાં દાહોદનો ૧૫મોને ઝોનમાં ૧૯૭ મો રેન્ક હતો. જયારે વર્ષ ૨૦૧૮માં આ રેન્ક ૩૮૯ મો હતો. આ વર્ષે સ્વચ્છતા સર્વેક્ષણમાં ફક્ત ૭.૫ પોઇન્ટથી દાહોદ પ્રથમ ક્રમાંકે આવતા રહ્યું ગયું છે. દાહોદ નગરપાલિકાની સઘન સ્વચ્છતા ઝુંબેશનું આ પરીણામ છે.