સરકાર દ્વારા સમગ્ર ગુજરાતમાં પ્રધાનમંત્રી આવાસ યોજના ચાલી રહી હોય કાચા મકાનો કે જમીન માલિકો માટે તે આશીર્વાદરૂપ છે પરંતુ હાલ આ યોજનામાં પડતી ઓનલાઇનની તકલીફ ગરીબ લાભાર્થીઓને મુસીબતમાં મૂકી રહી હોવાની બુમ ઉઠી છે. રાજપીપળા નગર પાલિકા હસ્તક છેલ્લાં ૨ વર્ષ થી ચાલી રહેલી પ્રધાન મંત્રી આવાસ યોજનાની ૨૦૧૭માં શરૂઆત સારી થઈ પરંતુ બાદમાં સરકાર દ્વારા છાસવારે ઓનલાઇન ફોટો એપ અપડેટ કરાતા અનેક તકલીફો પડી રહી હોય લાભાર્થીઓના ઓનલાઇન ફોટા ન પડતા મહિનાઓ સુધી હપ્તા જમા ન થતા અધૂરા મકાનો હોવાથી લોકો ‘નહીં ઘરના નહીં ઘાટ’ના જેવો હાલ થયો હોય ભારે રોષ જોવા મળી રહ્યો છે. જોકે આ બાબતે ઓનલાઇન તકલીફ હોય લાભાર્થીઓનો પાલિકા કે એજન્સીના કર્મચારીઓ પર રોષ ઠાલવી રહેલા જોવા મળે છે. આ તકલીફ માટે રજુઆત કરવા છતાં કોઈ જ સુધારો થતો નથી, લગભગ ૪ મહિનાથી ઓનલાઇન ફોટાની સમસ્યા ત્યાંની ત્યાં જ છે. આમ તો જાણવા મળ્યા મુજબ સરકાર અને સુરત કમિશનર આ માટે ઝડપી કામગીરી કરવા સૂચના આપે છે પરંતુ ટેક્નિકલ કારણોસર આ યોજના હાલ ગોકળ ગાયની ગતિ એ ચાલી રહી હોય એ માટે ઉકેલ લાવવા સુરત કમિશ્નર ઘટતું કરે એ જરૂરી છે.
(અહેવાલ :- આરીફ જી. કુરૈશી, રાજપીપળા)
રાજપીપળા શહેરમાં ચાલતી પ્રધાનમંત્રી આવાસ યોજનામાં તકલીફો છતાં કોઈ સાંભળનાર નથી !
