છોટાઉદેપુર જિલ્લાના બોડેલી તાલુકાના વિશાળી ગામમાં કોદાળીના ઘા મારી પતિએ પત્નીની ઘાતકી હત્યા કરતાં સમગ્ર વિસ્તારમાં સનસનાટી મચી ગઈ છે. મળતી માહિતી મુજબ પત્નીની હત્યા કર્યા બાદ પતિ ફરાર થઈ ગયો હતો. હત્યાની ફરિયાદ બોડેલી પોલીસ સ્ટેશનમાં કરાઈ છે.
પ્રાપ્ત માહિતી મુજબ અનુસાર બોડેલી તાલુકાના વિશાળી ગામનો દિલીપ પત્ની અને એક બાળકી સાથે બહારગામ મજુરી માટે રહેતાં હતાં. છેલ્લાં બે દિવસથી વિશાળી ગામમાં આવ્યો હતો. ગતરોજ કોઈ અગમ્ય કારણસર દિલીપે પત્નીને સોનલનાં દોરડા વડે હાથ બાંધી માર મારવા સાથે કોદાળીના ઘા માથા અને શરીરના ભાગે મારતાં તેનું ઘટનાસ્થળે જ મોત નિપજ્યું હતું.
આરોપી દિલિપના માતા – પિતા પણ ડરના કારણે ઘર છોડીને જતા રહ્યાં છે. પોલીસે લાશનું જબુગામ સામુહિક આરોગ્ય કેન્દ્ર ખાતે પીએમ કરી આગળની કાર્યવાહી હાથ ધરી છે.
(તસવીર / અહેવાલ :- ઈમરાન મનસુરી, બોડેલી, છોટાઉદેપુર)
પાછલી પોસ્ટ