ગીર ગઢડાના ધોકડવા ગામમાં રહેતી ચાર વર્ષીય એંજલ દાફડા નાનપણથી જ ગજબની કોઠાસૂઝ ધરાવે છે, તેનાં પિતા પીજીવીસીએલમાં ફરજ બજાવે છે તથા માતા ગૃહિણી છે અને સાથે જ એંજલને તેની માતા સામાન્ય જ્ઞાનનો ખજાનો પૂરો પાડે છે. એંજલને ગામના સરપંચ, વડાપ્રધાન, રાજધાનીના નામ મોંઢે છે. એંજલ બાલમંદિરમાં અભ્યાસ કરે છે. ધોકડવા ગામની સ્વામિનારાયણ સ્કૂલના પ્રિન્સિપાલે જણાવ્યું કે આ બાળાએ અમારા ગામનું ગૌરવ વધાર્યું છે. બલોકો એંજલના જ્ઞાનની પ્રશંસા કરી રહ્યાં છે અને આગળ જતાં તે ઘણાં બાળકો માટે પ્રેરણારૂપી દાખલો બેસાડશે. આટલું નાનકડું બાળક ધારે તો કંઈક કરી શકે છે. કહે છે ને કે ઈશ્વર જેને આપે છે તેને અઢળક આપે છે” આ એક એવો જ કિસ્સો છે કે જે એંજલને ગોડ ગિફ્ટ મળી છે કે તેને બધું સહેલાઈથી યાદ રહી જાય છે.
(તસવીર / અહેવાલ :- મહેન્દ્ર ટાંક, સોમનાથ)