તાજેતરમાં લેવાયેલ CDPO GPSC CLASS -2ની પરીક્ષામાં ગુજરાત સહિત બનાસકાંઠા જિલ્લામાંથી અનેક દીકરીઓ પાસ થઈ છે જેમાં દિયોદર તાલુકાના ભેંસાણા ગામની આંજણા ચૌધરી સમાજની દીકરી રખમા દેવાભાઈ ચૌધરી ૫૬માં રેન્ક પર પાસ થતાં સમગ્ર દિયોદર તાલુકાનું ગૌરવ વધાર્યું છે. રખમા દેવાભાઈ ચૌધરીએ દિવ્યાંગ હોવા છતાં સખત મહેનત અને પુરુષાર્થ કરી અગાઉ પણ અનેક પરીક્ષાઓ પાસ કરી હતી, સાથે સાથે મહેનત ચાલુ રાખતા આજે વર્ગ ૨ની પરીક્ષા પાસ કરી છે. પરિવાર તરફથી હંમેશા તેમને પ્રોત્સાહિત કરી હિંમત આપવામાં આવતી હતી. આ દીકરીએ સી.ડી.પી.ઓ.ની પરીક્ષા પાસ કરી સમગ્ર દિયોદર સહિત બનાસકાંઠા જિલ્લાનાં ચૌધરી સમાજનું ગૌરવ વધાર્યું છે તે બદલ સમગ્ર તાલુકો તેમને અભિનંદન સહ શુભેચ્છાઓ પાઠવે છે.
(તસવીર / અહેવાલ :- રઘુભાઈ નાઈ દિયોદર)