તો દેવભૂમિ દ્વારકાના જામ ખંભાળિયાના ધરમપુર ગામમાં પણ પીવાના પાણીની સમસ્યા સર્જાઇ છે. ઊનાળાની બપોરે પણ આરામ કરવાના બદલે અહીંને મહિલાઓએ પાણી માટે લાંબી કતારોમાં ઉભા રહેવું પડે છે. ત્યારે માંડ પીવા માટે એકાદ બેડું પાણી મળે છે.દેવભૂમિ દ્વારકાના ધરમપુરમાં પીવાના પાણીની સમસ્યા સર્જાઇ છે. પાણી માટે મહિલાઓએ લાંબી લાઇનમાં ઉભા રહેવું પડે છે. લાંબી લાઇનમાં ઊભા રહીને પણ માંડ એકાદ બેડુ પાણી મળે છે. ઘણીવાર પાણી માટે મહિલાઓ વચ્ચે પડાપડી અને બેડા યુદ્ધ થાય છે. ગામમાં આવેલા પાણીના ચાર ટાંકાનું પાણી પણ ખુટી રહ્યું છે. જેના કારણે ટેન્કર દ્વારા પાણી પુરુ પાડવામાં આવી રહ્યું છે.ખંભાળિયા તાલુકાનો મુખ્ય જળસ્ત્રોત કહી શકાય એવા ઘી ડેમ હાલમાં તળિયું ઝાટક થઇ ગયો છે. ઘી ડેમ પણ સુકા ગોચર જેવો દેખાઇ રહ્યો છે. ઘી ડેમમાંથી ઢોરઢાંખર બચેલા જળનો ઉપયોગ પીવા માટે કરી રહ્યાં છે. હજુ તો ઉનાળાની શરૂઆત થઈ છે. ત્યારે આવનારા દિવસોમાં તંત્ર પાણીની યોગ્ય વ્યવસ્થા કરે તેવી માંગ ઉઠી છે. ખેતી માટે તો ઠીક પણ માણસો અને પશુઓ માટે પણ જો પુરતું પીવાનું પાણી મળી રહે તોય ઘણું છે.