ચોમાસાની સિઝનમાં વરસાદ ખાબક્યા બાદ હવે સ્માર્ટ સિટી વડોદરામાં રોગચાળાએ માઝા મૂકી છે. પાણીજન્ય રોગચાળામાં સતત વધારો થઇ રહ્યો છે. ખાસ કરીને ટાઇફોઇડના કેસમાં વધારો થઇ રહ્યો છે. વધી રહેલા રોગચાળાને લઈને તંત્ર નિષ્ફળ દેખાઈ રહ્યુ છે. તંત્ર દ્વારા રોગચાળાને પગલા લેવામાં આવે છે પરંતુ આરોગ્ય ખાતાના દરેક પગલા નિષ્ફળ થઈ રહ્યા છે. જેના કારણે લોકોને હાલાકીનો સામનો કરવાનો વારો આવ્યો છે. રોગચાળામાં સપડાતા તમામ વિસ્તારનાં લોકોની એક જ સમસ્યા છે કે પાણી ગંદુ આવે છે અને વિસ્તારમાં પૂરતી સફાઈ કરવામાં આવતી નથી જેનાં કારણે આ રોગચાળો ફાટી નીકળે છે. રોગચાળો ફેલાવવાના કારણે શહેરની સિવિલ હોસ્પિટલ દર્દીઓથી ઉભરાઈ છે.
વડોદરામાં ટાઈફોઈડના કેસમાં વધારો
