ગુજરાતીઓની સંખ્યા લશ્કરમાં બહુ ઓછી હોય છે તેવુ મહેણુ ભાંગવા માટે છેલ્લા કેટલાક વર્ષોથી ગુજરાતી યુવાઓમાં જાગૃતિ જોવા મળી રહી છે પણ વડોદરાના આર્મી ઓફિસર આશીત મિસ્ત્રી તો એક ડગલુ આગળ વધ્યા છે.તા.૨૬મી જાન્યુઆરીએ પ્રજાસત્તાક દિને દિલ્લી ખાતે રિપબ્લિક ડે પરેડનું ભવ્ય આયોજન થવાનું છે. આ પરેડનું નેતૃત્વ વડોદરાના લેફટ. જનરલ આશીત મિસ્ત્રી કરવાના છે.આશીત મિસ્ત્રી મૂળ વડોદરાના છે. હાલ તેઓ દિલ્લી ખાતે પરેડની પ્રેકટિસ કરી રહ્યા છે. પ્રજાસત્તાક દિનના ભવ્ય સમારોહમાં જુદા જુદા રાજ્યોના આકર્ષક ફલોટની સાથે પરેડનું પણ દર્શકોમાં ભારે આકર્ષણ રહે છે. પરેડનું નેતૃત્વ કરીને આશીત મિસ્ત્રી દિલ્લીમાં વડોદરાનું નામ રોશન કરશે.
દિલ્હીમાં રિપબ્લિક ડે પરેડનું નેતૃત્વ કરશે વડોદરાના આર્મી ઓફિસર
