હોલિવુડ મોડલ અને એક્ટ્રેસ રૂબી રોઝે દીપિકા પાદુકોણના વિવાદોમાં ઘેરાયેલી ફિલ્મ ‘પદ્માવતી’નું સમર્થન કર્યું છે. સંજય લીલા ભણસાલીના ડિરેક્શનમાં બનેલી આ ફિલ્મમાં મુખ્ય ભૂમિકા નિભાવનારી દીપિકાને રાજપૂત કરણી સેના તરફથી ધમકીઓ મળી રહી છે.રૂબી રોજે ટ્વીટ કરીને કહ્યું કે, ‘હું આ વાંચીને એકદમ સ્તબ્ધ છું, કે મારી દોસ્ત કેવી કઠણ પરીસ્થિતિઓમાંથી પસાર થઈ રહી છે. પરંતુ હું તેમના સાહસ અને હિંમત જોઈને હેરાન છું.’ હોલિવુડ એક્ટ્રેસે કહ્યું, દીપિકા, હું જેટલી મહિલાઓને જાણું છે તેમાંથી તું સૌથી મજબૂત મહિલાઓમાંની એક છે.રોજ દીપિકા સાથે હોલિવુડ ફિલ્મ ‘ટ્્રીપલ એકસઃ રિટર્ન ઓફ જેન્ડર કેજ’માં કામ કરી ચુકી છે. ઉલ્લેખનીય છે કે દીપિકાને મળેલી ધમકીઓ બાદ મુંબઈ પોલીસે દીપિકાની સુરક્ષા ચુસ્ત કરી દીધી છે. જણાવી દઈએ કે રાજપૂત સંગઠનોએ દીપિકાને નાક કાપવા સુધીની ધમકીઓ આપી હતી.
પાછલી પોસ્ટ
આગળની પોસ્ટ