ડુંગરપુરથી અડીને આવેલા પાડોશી રાજ્ય ગુજરાતમાં દારુ પર પ્રતિબંધ છે. આ જ કારણ છે કે, રાજસ્થાનના ડુંગરપુરના રસ્તા પરથી સૌથી વધારે દારુની તસ્કરી ગુજરાતમાં થાય છે. પોલીસ તરફથી તેના પર કાર્યવાહી પણ થાય છે. પણ દારુ તસ્કર હંમેશા તસ્કરી માટે નવો રસ્તો અપનાવી રહ્યા છે. ડુંગપુર પોલીસે ૭ મહિનામાં ૩ કરોડ રૂપિયાનો દારુ પકડ્યો છે. તેમાંથી સૌથી મોટી કાર્યવાહી બિછીવાડા પોલીસ તરફથી ગુજરાત બોર્ડર પાસે કરી છે.
એસપી કુંદન કવરિયાએ જણાવ્યું કે, ડુંગરપુર પડોસી ગુજરાત રાજ્યથી અડીને આવેલ છે. ગુજરાતમાં દારુ પર પ્રતિબંધ છે. તેમ છતાં દારુ તસ્કરો મોટો નફો કમાવવા માટે ગુજરાતમાં દારુની તસ્કરી કરે છે. તેના પર રોક લગાવવા માટે પોલીસ તરફથી ખૂબ જ કડકાઈ વર્તવામાં આવે છે. તેમણે જણાવ્યું કે, આ વર્ષમાં અત્યાર સુધીમાં ૪૨૨ કાર્યવાહી થઈ છે. તેમાંથી ૪૩ હજાર ૪૮૪ બોટલ દારુની ઝડપાઈ છે. સૌથી વધારે અંગ્રેજી દારુની ૩૧ હજાર ૯૭૧ બોટલ છે. જ્યારે ૧૬૦ બોટલ દેશી દારુ અને ૨ હજાર ૬૧૭ બોટલ હાથે બનાવેલ દારુ છે. જો કે, દેશી દારુ સ્થાનિક સ્તર પર જ લોકો ઉપયોગ કરે છે.
પોલીસ તરફથી પકડવામાં આવેલી દારુની બજાર કિંમત લગભગ ૩ કરોડ ૫૦ લાખ રૂપિયા હોવાનું કહેવાય છે. પોલીસે આ કાર્યવાહીમાં ૨૮ મોટી ગાડી પકડી છે. જેમની પાસેથી દારુની મોટી ખેપ પણ પકડાઈ ગઈ છે. પોલીસે દારુ તસ્કરી વિરુદ્ધ કાર્યવાહી કરતા ૪૩૪ તસ્કરોની પણ ધરપકડ કરી છે. તેમાં કેટલાય મોટા તસ્કર છે, જે દારુને રાજસ્થાનથી ગુજરાત તસ્કરીના કારોબારમાં લાંબા સમયથી જોડાયેલ છે.
એસપીએ જણાવ્યું કે, દારુ પર રોક લગાવવા માટે ડુંગરપુર પોલીસ તરફથી કડક કાર્યવાહી થઈ રહી છે. તસ્કરોની ગેંગ પર દેખરેખ રાખવામાં આવી રહી છે. ખબરીની સૂચના મળતા જ તસ્કરો વિરુદ્ધ કાર્યવાહી થઈ રહી છે. આ ઉપરાંત કેટલીય વાર નાકાબંધી કરીને ગાડીઓ પકડી છે. રાજસ્થાનમાં આ વર્ષે ચૂંટણી છે. ત્યારે આવા સમયે રાજસ્થાન-ગુજરાતના તમામ એન્ટ્રી પોઈન્ટ પર ચેક પોસ્ટ લગાવ્યા છે. આ ચેક પોસ્ટ પર પોલીસકર્મીઓ તૈનાત કર્યા છે.
પાછલી પોસ્ટ