રણવીર સિંહ જેટલા તેમના અભિનય માટે હેડલાઇન્સમાં રહે છે તેટલા જ તેઓ તેમના લુકને લઈને પણ ચર્ચામાં રહે છે. રણવીરે ખૂબ જ વિચિત્ર અને અતરંગી કપડા પહેર્યા છે. ઘણીવાર તે પોતાના લૂક્સને લઈને ટ્રોલ પણ થઈ જાય છે, પરંતુ એક્ટરને આમાં વાંધો નથી.
રણવીરે તેમના લેટેસ્ટ ફોટોશૂટની તસ્વીરો શેર કરી છે. આ ફોટામાં રણવીરનો લૂક જાેઈને ચાહકો ચોંકી ગયા છે. રણવીરે બ્લુ કલરનું ટ્રેકસૂટ પહેર્યું છે અને આની સાથે તેમણે સોનાના મોટા ઘરેણાં પહેર્યા છે. રણવીરે વિગ પણ પહેરી છે. આટલું જ નહીં તેમણે આ પોશાક સાથે બ્લેક હેન્ડબેગ કેરી કર્યું છે.
એક ફોટામાં રણવીરે આ આઉટફિટ સાથે લાંબી જેકેટ અને ટોપી પહેરી છે. સોશિયલ મીડિયા પર રણવીરનો આ લુક ટ્રોલ થઈ રહ્યો છે. એક યુઝરે કમેન્ટ કરી, દીપિકા તમારી હરકતો જાેઈને પરેશાન થતી નથી. તો એકે કમેન્ટ કરી, આ જ કારણ છે કે એલિયન્સ ભારત આવતા નથી. તો ત્યાં એકએ લખ્યું, દીપિકા પ્લસ બપ્પી લહેરી. તો એકએ લખ્યું, લો હવે, દીપુના ઘરેણાં પણ લઈ લીધા.
જાેકે રણવીરના આ લુકને બોલિવૂડ સેલેબ્સ ખુબ વખાણ કરી રહ્યા છે. અર્જુન કપૂરથી લઈને ટાઇગર શ્રોફ સુધી દરેક તેમના લુકથી પ્રભાવિત થયા છે.
તાજેતરમાં રણવીરે તેમના કેટલાક ફોટા શેર કર્યા છે જેમાં તે એકદમ ડિસેંટ દેખાઈ રહ્યા હતા. ચાહકોએ કમેન્ટ કરી હતી કે હવે લાગે છે કે રણવીર સુધરી ગયા છે અને સામાન્ય લુકમાં જીવવાનું શરૂ કર્યું છે. પરંતુ હવે રણવીરના આ ફોટા જાેઈને તે ફરી નિરાશ થઈ જશે.
રણવીરની પ્રોફેશનલ લાઇફ વિશે વાત કરવામાં આવે તો તેમની ૩ ફિલ્મો રિલીઝ માટે તૈયાર છે. તે ૮૩, જયેશભાઈ જાેરદાર અને સર્કસમાં જાેવા મળશે.
૮૩ માં રણવીર, કપિલ દેવની ભૂમિકામાં જાેવા મળશે. આ ફિલ્મમાં દીપિકા પદુકોણ પણ છે. તે કપિલ દેવની પત્ની રોમી ભાટિયાનું પાત્ર ભજવશે. જાેકે આ ફિલ્મમાં તેમનું પાત્ર નાનું છે. જયેશભાઇ જાેરદારમાં રણવીર એક ગુજરાતી વ્યક્તિની ભૂમિકામાં જાેવા મળશે. તે જ સમયે, સર્કસમાં તેમની સાથે જેક્લીન ફર્નાન્ડીસ અને પૂજા હેગડે મુખ્ય ભૂમિકામાં છે. રોહિત શેટ્ટી આ ફિલ્મનું દિગ્દર્શન કરી રહ્યા છે.
રણવીર અતરંગી કપડા અને લૂક્સને લઈને થયો ટ્રોલ
