ઇડરથી અમારા સંવાદદાતા ઉમંગ રાવલ જણાવે છે કે,ઇડર નજીકના ગંભીરપુરાની એક સોસાયટીમાંથી રવિવાર-સોમવાર દરમિયાન કોઇ વાહન ચોર રૂા.૧.૫૦ લાખની કિંમતની રેનોલ્ટ ડસ્ટર ગાડી ચોરી રફુચક્કર થઇ જતા વાહન ચોરીની ઘટના સંદર્ભે ઇડર પોલીસ સ્ટેશનમાં મામલો દર્જ થયો હતો.ચોરીની ઘટના અંગે ઇડર પોલીસ સ્ટેશનના સૂત્રો દ્વારા પ્રાપ્ત વિગત અનુસાર ગંભીરપુરાની અશરફનગર સોસાયટીમાં રહેતા સાજીદભાઇ મહેમુદભાઇ લુહારની રૂા.૧.૫૦ લાખની કિંમતની રેનોલ્ટ ડસ્ટર ગાડી નં.જીજે.૧૮.બીબી.૭૧૨૧ પોતાના ઘર પાસેના પાર્કીંગમાં પાર્ક કરી હતી. રવિવાર-સોમવાર દરમિયાન કોઇ વાહન ચોર રૂા.૧.૫૦ લાખની કિંમતની રેનોલ્ટ ડસ્ટર ગાડી ચોરી રફુચક્કર થઇ જતા સાજીદભાઇ લુહારે વાહન ચોરીની ઘટના સંદર્ભે ગુરૂવારે ઇડર પોલીસ સ્ટેશનમાં ફરિયાદ નોંધાવતા પોલીસે ગુનો દર્જ કરી કાયદેસરની કાર્યવાહી કરી હતી.
પાછલી પોસ્ટ