વડનગરથી અમારા સંવાદદાતા વિનોદ મકવાણા જણાવે છે કે,વડનગરમાં બનાવામાં આવેલી GMERS મેડીકલ કોલેજ અને હોસ્પિટલમાં કોવીડ કેર સેન્ટર છે.અહી કોરોનાના દર્દીઓ સારવાર લઈ રહ્યા છે.દર્દીની સંખ્યામાં વધારો થતા અહી દર્દીઓ હોસ્પિટલ બહાર જ પોતાના ખર્ચે ઓક્સિજન લાવી સારવાર લઈ રહ્યા છે. આ હોસ્પીટલમાં તંત્ર દ્વારા કોઈ પણ પ્રકાર ની સુવિધા કરવામાં આવી નથી.આવી કાળઝાળ ગરમીમાં હોસ્પીટલમાં પંખાની કોઈ વ્યવસ્થા નથી દર્દીઓના સગાઓ પૂઠા અને હાથપંખા વડે હવા નાખી રહ્યા છે.વડનગર સિવિલમાં દર્દીઓને મફતમાં સારવાર મળે છે.પરંતુ હાલ દર્દીઓની હાલત કફોડી બની છે.રાજ્યમાં તમામ હોસ્પીટલમાં વેઈટિંગ દર્દીઓ માટે તમામ પ્રકારની વ્યવસ્થા કરવામાં આવી રહી છે.પરંતુ વડનગરમાં કોરોના દર્દીઓને સુવિધા મળતી નથી.ત્યારે વેઈટિંગમાં રહેલા દર્દીઓને છાયડો તેમજ પંખા અને કુલરની વ્યવસ્થા કરવામાં આવે તેવી માંગ ઉઠી હતી.
પાછલી પોસ્ટ