ખેડૂત કાયદાને લઈ હિંમતનગરમાં કોંગ્રેસનાં કાર્યકરોએ જોરદાર વિરોધ પ્રદર્શન કર્યું છે. હિંમતનગર શહેરના નેશનલ હાઈવે પર રસ્તા રોકી આંદોનને સમર્થન આપ્યું છે. સ્ટાર સિટી સિનેમા પાસે રોડ પર આગ લગાવી રસ્તો બંધ કરી દેવામાં આવ્યો છે. આંદોલનકારીઓે રોડ પર ટાયરો સળગાવ્યા છે. આંદોલકારીઓએ ભાજપ વિરુદ્ધ જોરદાર સૂત્રોચ્ચાર કર્યા છે. વિજયનગર ખેડબ્રહ્માના ધારાસભ્ય અશ્વિન કોટવાલ સહિત કોંગ્રેસી કાર્યકરોની પોલીસે અટકાયત કરી દીધી છે. ઉલ્લેખનીય છે કે, નેશનલ હાઈવે નંબર ૮ પર થોડા સમય માટે ચક્કાજામની સ્થિતિ સર્જાઈ હતી.
(તસવીર / અહેવાલ / વિડિયો :- દિગેશ કડિયા, હિંમતનગર)