પંચમહાલ જીલ્લામાં ૧૦૮ એમ્બ્યુલન્સ સેવા દ્વારા એક ગર્ભવતી મહિલાની સફળ પ્રસૃતિ કરાવામા આવી હતી જેમાં મહિલાએ એક બાળકી અને બાળકને જન્મ આપ્યો છે. મળતી માહિતી અનુસાર શહેરા તાલુકાના નાડા ગામે રહેતા ચંદ્રિકા પટેલ ગર્ભવતી હોવાથી તેમને સવારના સમયમાં પ્રસુતિની પીડા ઉપડી હતી, તેમના પરિવાર દ્વારા ૧૦૮ સેવાને જાણ કરવામાં આવી હતી. મોરવા હડફ કેન્દ્રની ૧૦૮ એમ્બ્યુલન્સ ઈએમટી સ્ટાફના રાકેશ બારીયાએ ચંદ્રિકા પટેલની સફળ પ્રસૃતિ કરાવી હતી અને તેમને સ્વસ્થ એક બાળક અને એક બાળકીને જન્મ આપ્યો હતો.જોડીયા બાળકનો જન્મ થતાં માતા તથા તેમના પરિવારજનોમાં પણ ખુશીનો માહોલ જોવા મળ્યો હતો. નોંધનીય છે કે, ૧૦૮ ઇમરજન્સી સેવા ગુજરાતના છેવાડાના ગામ સુધી પહોંચી છેે અને મેડીકલ ઇમરજન્સી, અકસ્માત સહિતના કેસોમાં આશીર્વાદ સમાન બની છે. આજ સુધી લાખો લોકોને બચાવ્યા પણ છે.
(તસવીર / અહેવાલ :- વિજયસિંહ સોલંકી, પંચમહાલ)