છેલ્લા કેટલાક વર્ષોથી એક પછી એક રેકોર્ડ સર્જી રહેલા અને વિશ્વમાં સૌથી લોકપ્રિય થઇ રહેલા ભારતીય કેપ્ટન વિરાટ કોહલી હવે સૌથી વધારે કમાણી કરનાર ભારતીય ક્રિકેટર તરીકે છે. તેના હાથમાંથી એક જાહેરાત નિકળી ગઇ હોવા છતાં તે સૌથી વધુ સંખ્યામાં જાહેરાતો ધરાવે છે. તેના ઓવરઓલ જાહેરાત વેલ્યુનો આંકડો ૩૦ કરોડ રૂપિયા વધી ગયો છે. વર્ષ ૨૦૧૬માં વિરાટની પાસે ૨૦ બ્રાન્ડ હતી. જે હવે ઘટીને ૧૯ થઇ ગઇ છે. વર્ષ ૨૦૧૬માં વિરાટની પાસે ૨૦ બ્રાન્ડ હતી. જેની કિંમત ૧૨૦ કરોડ હતી. હવે તેની પાસે ૧૯ બ્રાન્ડ છે પરંતુ કિંમત વધીને ૧૫૦ કરોડ રૂપિયા થઇ ગઇ છે. ભારતીય રમત અને ખેલાડીઓને મળનાર સ્પોન્સર્સ પર આંકડા તૈયાર કરનાર ઇએસપી પ્રોપર્ટીએ પોતાના નવા હેવાલમાં દાવો કર્યો છે કે વર્ષ ૨૦૧૬ની તુલનામાં વર્ષ ૨૦૧૭માં ભારતીય રમતોમાં વધારે પ્રાયોજક આવ્યા છે. આગાળા દરમિયાન ખેલોમાં ઓવરઓલ સ્પોન્સર્સમાં ૧૪ ટકાનો નોંધપાત્ર વધારો થઇ ગયો છે. એક સમય હતો જ્યારે ભારતીય ક્રિકેટના સુપરસ્ટાર મહેન્દ્રસિંહ ધોનીની પાસે ૨૪ બ્રાન્ડ હતી. જો કે હવે વિરાટ કોહલી સૌથી આગળ છે. ધોનીની પાસે હજુ ૧૩ બ્રાન્ડ છે. આ જાહેરાત મારફતે તેની કમાણી ૬૦ કરોડની છે. નિવૃતિ બાદ પણ સચિન તેન્ડુલકરની આવક હજુ ઘટી નથી. સચિન તેન્ડુલકર પાસે નવ લોકપ્રિય બ્રાન્ડ છે. તેમની કુલ જાહેરાત કિંમત ૩૦ કરોડ આંકવામાં આવી છે. હાલમાં હાર્દિક પંડ્યાની આવક પર વધી રહી છે. તેના પર તમામ ટોપની કંપનીઓની નજર કેન્દ્રિત થઇ ગઇ છે.
કોહલીની બ્રાન્ડ સંખ્યા ઘટી પરંતુ આવકમાં વધારો થયો
