કોરોના વાઈરસના વધતા સંક્રમણને કારણે સરકારે લોકડાઉન જાહેર કરવામાં આવ્યા પછી પશ્રિ્ચમ રેલવેમાંથી લાંબા અંતરની મેલ-એકસપ્રેસ ટ્રેનના પ્રવાસીઓની સંખ્યામાં ધરખમ ઘટાડો થયો હોવાને કારણે પશ્ચિમ રેલવેમાંથી મુંબઈ ડિવિઝનની અમુક દુરંતો ટ્રેનોને એક પખવાડિયામાં માટે રદ કરવાનો નિર્ણય લેવામાં આવ્યો છે.
પશ્ચિમ રેલવેમાંથી મુંબઈ સેન્ટ્રલ-નવી દિલ્હી દુરંતો એક્સપ્રેસ (૦૯૦૦૯) ૩૦મી એપ્રિલથી ૧૪મી મે, નવી દિલ્હી-મુંબઈ સેન્ટ્રલ વચ્ચેની દુરંતો એક્સ્પ્રેસ (૦૯૦૧૦) પહેલીથી મેથી ૧૫મી મે, બાંદ્રા ટર્મિનસ-અમૃતસર એક્સપ્રેસ (૦૯૦૨૫) ત્રીજી મેથી દસમી મે તથા અમૃતસર-બાંદ્રા ટર્મિનસ સ્પેશિયલ ટ્રેન (૦૯૦૨૬) સુધી રદ રહેશે. આ ઉપરાંત, મુંબઈ સેન્ટ્રલ-ઈન્દોર દુરંતો (૦૯૨૨૭) ૨૯મી એપ્રિલથી પંદરમી મે, ઈન્દોર-મુંબઈ સેન્ટ્રલ સ્પેશિયલ ટ્રેન (૦૯૨૨૮) ૩૦મી એપ્રિલથી ૧૬મી મે, મુંબઈ સેન્ટ્રલ-જયપુર દુરંતો (૦૯૨૨૯) ૨૭મી એપ્રિલથી ૧૧ મે, જયપુર-મુંબઈ સેન્ટ્રલ દુરંતો એક્સપ્રેસ (૦૯૨૩૦) ૨૯મી એપ્રિલથી ૧૩મી મે, મુંબઈ સેન્ટ્રલ-હાપા દુરંતો એક્સપ્રેસ (૦૯૨૩૧) ૨૭મી એપ્રિલથી ૧૪મી મે, મુંબઈ સેન્ટ્રલ-હાપા દુરંતો એક્સપ્રેસ ૨૭મી મેથી ૧૩મી મે સુધી રદ રહેશે. ઉપરાંત, સુરત-અમરાવતી-સુરત સુપરફાસ્ટ ટ્રેન (૦૯૧૨૫-૦૯૧૨૬) એક ૩૦/પહેલી એપ્રિલથી ૧૪/૧૫મી મે સુધી રદ રાખવામાં આવી છે, એમ સત્તાવાર જણાવ્યું હતું.
દુરંતો એક્સ્પ્રેસ પખવાડિયા માટે રદ
