રિલાયન્સ જિયોએ ફરી એક વખત ટેલિકૉમ કંપનીઓને ૪જી સ્પીડના મામલામાં પાછળ છોડી દીધી છે.
ટેલિકૉમ રેગ્યુલેટરી ઓથૉરિટી ઑફ ઇન્ડિયાની નવી રિપોર્ટ અનુસાર, મે ૨૦૧૭માં જિયોની ડાઉનલોડિંગ સ્પીડ ૧૮.૮૦૯ એમબીપીએસ રહી છે. આ પાંચમી વખત છે જ્યારે જિયોએ સતત દેશની તમામ ટેલિકૉમ કંપનીઓને ૪જી ડાઉનલોડિંગ સ્પીડમાં પાછળ છોડી દીધી છે. તમને જણાવી દઇએ કે, એપ્રિલમાં જિયોની ડાઉનલોડિંગ સ્પીડ ૧૯.૧૨ એમબીપીએસ હતી.રિલાયન્સ જિયો બાદ ૪જી ડાઉનલોડિંગ સ્પીડમાં વોડાફોન બીજા નંબરે આવે છે. ૧૨.૨૮ એમબીપીએસની સ્પીડની સાથે વોડાફોન બીજા નંબરે, ૧૧.૬૮ એમબીપીએસની સ્પીડની સાથે આઇડિયા સેલ્યુલર ત્રીજા નંબર પર જ્યારે દેશની સૌથી મોટી ટેલિકૉમ કંપની એરટેલ ૮.૨૪ એમબીપીએસની સ્પીડની સાથે છેલ્લા નંબરે છે.જ્યારે ૩જી સ્પીડની વાત કરવામાં આવે તો વોડાફોન ૫.૬૫ એમબીપીએસની ડાઉનલોડિંગ સ્પીડની સાથે પ્રથમ નંબરે, આઇડિયા ૩.૫૯ સ્હ્વજ સ્પીડની સાથે બીજા નંબરે અને ૩.૫૩ એમબીપીએસની સ્પીડની સાથે એરટેલ ત્રીજા નંબરે છે. જ્યારે એરસેલની ૩ય્ ડાઉનલોડિંગ સ્પીડ ૨.૩૬ એમબીપીએસ રહી હતી.