મહેસાણા જિલ્લામાં ચાલુ વર્ષે રવિ પાકનું કુલ વાવેતર ૧૮૮૯૬૭ હેકટરમાં વાવેતર કરવામાં આવ્યું છે જેમાં આ વર્ષે જિલ્લામાં કુલ ઘઉંનું ૭૧૭૫૧ હેકટરમાં કરવામાં આવ્યું છે જ્યારે રાઈ ૧૫૩૩૪, બટાટા ૮૨૬૧ હેકટર કરવામાં આવ્યું છે. દર વર્ષ કરતા આ વર્ષે રવિ પાકનું ૧૦,૦૦૦ જેટલું વાવેતર વધુ કરવામાં આવ્યું છે. મહેસાણા જિલ્લાના આસિસ્ટન્ટ જિલ્લા ખેતીવાડી અધિકારી નિલેશ પટેલના જણાવ્યા અનુસાર આ વર્ષ ખેડૂતો માટે ખાસ કરીને ઘઉંના વાવેતર માટે સારું રહેશે. આ વર્ષે ઘઉંના કુલ ૭૧૭૫૧ હેકટરની સામે પ્રતિ હેકટર ૨૯૦૦ કિલોની ઉપજ મળશે. ખેડ ખાતર અને પાણીના કારણે આ વર્ષ ખેડૂતો માટે ખુશી લાવનારું અને કોરોનામાં સારી આવક મેળવનારું બની રહેશે. આ વખતે વધુ ઠંડી તથા માફકસરના વાતાવરણને કારણે પાકની પરિસ્થિતિ એકંદરે સારી છે.
(અહેવાલ :- વિનોદ મકવાણા, મહેસાણા)