વાર્ષિક રૂપિયા ૫૮૦૦ કરોડનું ટર્નઓવર ધરાવતી મહેસાણા દૂધસાગર ડેરીની ૧૫ બેઠકો પર અશોક ચૌધરીની પરીવર્તન પેનલ અને વિપુલ ચૌધરીની વિકાસ પેનલના કુલ મળીને ૪૧ ઉમેદવારોએ ચૂંટણીમાં ઝંપલાવ્યું હતું. મહેસાણા જીલ્લાની જીવાદોરી સમાન દૂધસાગરની ચૂંટણી ગઈ કાલે વર્ધમાન વિદ્યાલય ખાતે શાંતિપૂર્ણ માહોલમાં પૂર્ણ થઈ હતી જેમાં ૧૧૨૯ મતદારો પૈકી ૧૧૧૯ મતદારો દ્વારા ૯૯.૧૨ ટકા મતદાન નોંધાયું હતું. મતદાન પ્રક્રિયા પૂર્ણ થયા બાદ સાંજે મત ગણતરીની પ્રક્રિયા હાથ ધરવામાં આવી હતી જેમાં જાહેર થયેલા પરિણામમાં અશોક ચૌધરીની પરિવર્તન પેનલના ૧૩ ઉમેદવારોએ જીત મેળવી હતી જ્યારે છેલ્લાં ઘણાં વર્ષોથી દૂધસાગર ડેરી પર એકચક્રી શાસન ધરાવતા વિપુલ ચૌધરીની વિકાસ પેનલના ફક્ત બે ઉમેદવારો જીતતા સહકારી ક્ષેત્રે અપસેટ સર્જાયો હતો. આ જીતથી અશોક ચૌધરીની પરિવર્તન પેનલના ઉમેદવારો તેમજ કાર્યકરોમાં ખુશીનો માહોલ જોવા મળ્યો હતો.
(તસવીર / વિડિયો / અહેવાલ :- વિનોદ મકવાણા, મહેસાણા)