પ્રિયંકા ચોપરા ભારતની પહેલી અભિનેત્રી છે જેણે વિદેશમાં મોટી ઓળખ બનાવી છે અને સોશ્યલ મીડિયા પર પણ બોલિવૂડની ઘણી અન્ય અભિનેત્રીઓ કરતા આ અભિનેત્રીની ફેન ફોલોઇંગ ઘણી વધારે છે. દર વર્ષની જેમ આ વર્ષે પણ ઇન્સ્ટાગ્રામથી કરોડોની કમાણી કરનારા સ્ટાર્સની યાદી બહાર આવી છે. આ ઇન્સ્ટાગ્રામ રિચ લિસ્ટમાં આ વખતે ફક્ત એક બોલિવૂડ સેલેબનું નામ શામેલ છે અને તે છે પ્રિયંકા ચોપડા. પ્રિયંકા ચોપડા આ યાદીમાં સામેલ થનારી દેશની પ્રથમ અભિનેત્રી બની ગઈ છે. આ લિસ્ટ ઇન્સ્ટાગ્રામના શેડ્યૂલિંગ ટૂલ HopperHQ દ્વારા બહાર પાડવામાં આવી છે. જેમાં પ્રિયંકા ચોપરા 28 મા ક્રમે છે.
પ્રિયંકા ચોપરા તેની ઇન્સ્ટાગ્રામ પોસ્ટ્સથી કરોડોની કમાણી કરે છે. પ્રિયંકા એક ઇન્સ્ટાગ્રામ પોસ્ટના લગભગ 2.16 કરોડ રૂપિયા લે છે. પ્રિયંકા ચોપરા ઉપરાંત આ યાદીમાં ભારતીય ક્રિકેટ ટીમના કેપ્ટન વિરાટ કોહલી પણ સામેલ છે. આ સૂચિમાં વિરાટ 26 મા ક્રમે છે, એટલે કે તે પ્રિયંકાથી બે નંબર આગળ છે. આ સૂચિમાં ફક્ત પ્રિયંકા અને વિરાટ બે જ ભારતીય હસ્તીઓ છે.અમે તમને જણાવી દઈએ કે પ્રિયંકાને એક બીજી મોટી સફળતા પણ મળી છે.પ્રિયંકાએ હોલીવુડ અભિનેતા કિયાનુ રાઇવ્સ ની ફિલ્મ મેટ્રિક્સ 4 ને સાઇન કરી.
ઇન્સ્ટાગ્રામની રિચ લીસ્ટમાં પ્રિયંકા ચોપડાનો સમાવેશ
