કડી પોલીસ સ્ટેશનમાં લોકડાઉન ના ભંગ કરતા લવાયેલ લોકોને કડી પોલીસે ઘેટાં બકરાં ની જેમ એક સાથે બેસાડતા કડી પોલીસ સ્ટેશનમાં કોરોના વાયરસ ના સંક્રમણ થી બચવા માટે સામાજિક અંતર રાખવાની સરકારની અપીલ નું છડેચોક ઉલ્લંઘન થતું જોવા મળ્યું હતું.
કોરોના વાયરસ ના સંક્રમણ ને નાથવા સરકાર દ્વારા લોકડાઉન આપવામાં આવ્યું છે ત્યારે જરૂરિયાત વિના બહાર ફરતા લોકો ઉપર કડી પોલીસ તવાઈ લાવી હતી અને એકજ દિવસમાં અધધ કહી શકાય એમ 35 લોકોને જાહેરનામા ના ભંગ ની કલમ આઈપીસી 188 હેઠળ ઝડપયા હતા.જાહેરનામા નો ભંગ કરી બિન જરૂરી બહાર આંટા ફેરા મારતા લોકોને કડી પોલીસ તેમજ એલસીબી પોલીસ દ્વારા ઝડપી લઈ કડી પોલીસ સ્ટેશનમાં લવાયા હતા પરંતુ અહીં કડી પોલીસ લોકોને ઝડપી પાડી જિલ્લામાં કામ દેખાડવાના ચકકર માં ભાન ભૂલી ગયી હોય તેવું દેખાતું હતું. સરકાર દ્વારા લોકોને સામાજીક અંતર રાખવાની વારંવાર અપીલ કરવામાં આવી રહી છે ત્યારે પકડાયેલ લોકોને એકસાથે બેસાડી સામાજિક અંતર રાખવાની સરકારની અપીલ ની વાત ને પોલીસ સાવ ભૂલી જ ગયી હોય તેવું જણાતું હતું.
આપણું ગુજરાત ન્યૂઝ-કડી
જૈમિન સથવારા