બોડેલી ગામના અલીપુરા ચાર રસ્તા પાસે ખાનગી વાહનોનો જમાવડો થતા લોકો ત્રાહિમામ પોકરી ઉઠ્યા છે. ટ્રાફિક જામ કરતી વડોદરાથી છોટાઉદેપુર જતી ખાનગી લકઝરીને રજપૂત વાડીના રસ્તા પર ઉભી રાખતા લકઝરીની આગળ સ્થાનિકોએ કાર મુકી ભારે હોબાળો મચાવ્યો હતો. હોબાળો થતાં લોક ટોળુ એકત્રિત થઈ ગયું હતું અને ટ્રાફઇક જામ થઈ ગયો હતો. તાત્કાલિક પોલીસ ઇન્સ્પેક્ટર ચેતન પટેલ સહિતનો કાફલો ઘટના સ્થળે દોડી આવ્યો હતો અને મામલો થાળે પડ્યો હતો. સ્થાનિકોએ આડેધડ પાર્ક કરાતા ખાનગી વાહનોનાં કારણે ટ્રાફિક જામ થતો હોવાની રજૂઆત કરી હતી. સ્થળ પરથી લકઝરી પોલીસ મથકે લઇ જવાઇ હતી તેમજ બીજા ખાનગી વાહનો પર પણ પોલીસ દ્વારા કાર્યવાહી કરાતા અલીપુરા ચાર રસ્તા પર ખાનગી વાહન ચાલકોમાં અફરા તફરીનો માહોલ જોવા મળ્યો હતો.
(તસવીર / અહેવાલ :- ઈમરાન મનસુરી, બોડેલી, છોટાઉદેપુર)
બોડેલી ગામના અલીપુરા ચાર રસ્તા પર ખાનગી વાહનોનાં કારણે ટ્રાફિકજામની સમસ્યાથી લોકો પરેશાન
