છોટાઉદેપુર જીલ્લાના બોડેલી સેવાસદન ખાતે વકીલો તેમજ કામકાજ અર્થે આવતા અરજદારોના વાહનો સેવાસદનના ગેટની બહાર મુકવાની બાબતને લઇ વકીલોએ હોબાળો મચાવ્યો હતો. બોડેલી ખાતે ડેપ્યુટી કલેકટરે વકીલો તેમજ અરજદારો ના વાહનો તાલુકા સેવાસદનના ગેટની બહાર મુકવાના આદેશ કર્યા છે. ડે. કલેક્ટરે સેવાસદનમાં વકીલોના વાહનોને નો-પાર્કિંગ આપતા વકીલોમાં ભારે રોષ જોવા મળ્યો છે. બાર એસોસીએશનના પ્રમુખ જશુભાઈ અમીન સહિતના વકીલો બોડેલીના સેવાસદનના ગ્રાઉન્ડમાં ઉતરી ડે.કલેક્ટર તેમજ મામલતદાર વિરુદ્ધ રોષે ભરાયા હતા. વકીલોની વાત માનીએ તો ડે.કલેક્ટર પોતાની મનમાની કરી રહ્યા ના આક્ષેપ કર્યા હતા. કોર્ટમાં છોટાઉદેપુર, વડોદરા, નર્મદા, પંચમહાલ, જીલ્લાના વકીલો પણ કામકાજ અર્થે આવે છે, જેઓ પોતાની કારમાં મહત્વના કાગળો તેમજ લેપટોપ સહિતની વસ્તુઓ મુકેલી હોય કાર બહાર મુકવાથી ચોરાઇ જવાનો ભય રહે છે તો કેટલાક વૃધ્ધ અરજદારો આવતા હોય તેઓને પણ બહારથી ચાલતા જતા ભારે મુશ્કેલીનો સામનો કરવાનો વારો આવ્યો છે.
(તસવીર / અહેવાલ :- ઈમરા મનસુરી, બોડેલી, છોટાઉદેપુર)
બોડેલી સેવાસદન ખાતે કાર પાર્કિંગ મુદ્દે વકીલોનો હોબાળો
