સાબરકાંઠા જિલ્લો રાજસ્થાનની સરહદને જોડતો હોવાનાં કારણે વારંવાર જિલ્લામાંથી દારૂ ઝડપી પાડવાના બનાવો બનતા હોય છે. સાબરકાંઠા જિલ્લા લોકલ ક્રાઈમ બ્રાંચે બાતમીને આધારે પોલીસ દ્વારા અલગ-અલગ ટીમ બનાવી વોચ ગોઠવી રાજસ્થાન તરફથી ગુજરાતમાં પ્રવેશ કરતી મારુતિ ઝેન ગાડી આવતી હોય જેને ખાનગી બાતમીને આધારે ચોક્કસપણે તે ગાડી હોવાથી પોલીસે વિજયનગરના ઉમિયા નગર પાસે ઉભી રાખતા તપાસ કરતા ગાડીમાંથી વિદેશી દારૂની ૧૦ પેટી હતી જેમાં બોટલ નંગ ૨૪૦ જેની કુલ કિંમત ૩૧.૨૦૦ તથા કારની કિંમત ૫૦.૦૦૦/-કુલ મળી ૮૧.૨૦૦/-નો કુલ મુદ્દામાલ પોલીસે જપ્ત કરી આરોપી સોમાજી ઠાકોર (રહેવાસી ડેથલી, તાલુકો સિદ્ધપુર, જિલ્લો પાટણ)ને પ્રોહીબીશન એક્ટ મુજબ વિજયનગર પોલીસ સ્ટેશન ખાતે ગુન્હો નોંધી વધુ તપાસ હાથ ધરી છે.
(તસવીર / અહેવાલ :- દિગેશ કડીયા, હિંમતનગર)