બિહારમાં વડાપ્રધાન મોદીની એવી સુનામી આવી કે છ પાર્ટીઓનું મહાગઠબંધન પણ હવામાં ઉડી ગયું અને એનડીએએ ૪૦માંથી ૩૯ બેઠકો પર વિજય મેળવીને ઈતિહાસ સર્જી દીધો. આરજેડી, કોંગ્રેસ, રાલોસપા, હમ, વીઆઈપી અને સીપીઆઈએમના ગઠબંધનને ફક્ત એક જ બેઠક પર વિજય મેળવીને સંતોષ કરવો પડ્યો. ૧૯૯૭માં આરજેડીની સ્થાપના પછીથી આવું પહેલી વખત થયું છે જ્યારે લાલુ પ્રસાદ યાદવની પાર્ટી લોકસભા ચૂ્ંટણીમાં ખાતુ ખોલાવી શકી ન હોય.
મોદી અને નીતીશના કામનો એવો જાદુ ચાલ્યો કે એનડીએએ ૪૦માંથી ૩૯ બેઠકો પર વિજય મેળવી લીધો. કિશનગંજ બેઠક પર કોંગ્રેસનો વિજય થયો છે. આ પ્રકારનું પહેણામ ૧૯૮૪માં પૂર્વ વડાપ્રધાન ઈન્દિરા ગાંધીની હત્યા પછી ઉદ્ભવેલી સહાનુભૂતિની લહેરમાં જોવા મળ્યું હતું. જે સાંસદ સભ્યોએ ચૂંટણી લડી છે તેઓ ૨૦૧૪ની સરખામણીએ ઘણા વધારે મતથી જીત્યા છે.
પહેલી વખત લોકસભા ચૂંટણીમા લાલુની પાર્ટી ખાતું જ ન ખોલાવી શકી
